Urkunde Nr. 2283 aus Band IV

Seite im UB:

628-629

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

2283

1437 April 16 Das Weissenburger Kapitel teilt den Woiwoden von Siebenbürgen, Peter und Ladislaus, mit, dass in der Streitsache zwischen Demetrius Tharnok und Genossen und Antonius von Somkerek um die Besitzungen Weingartskirchen, Birnbaum, Gergeschdorf, Ringelkirch, Rothkirch, Neudorf, Dumitra/Demeterpataka und Henningsdorf ein neuer Termin anberaumt worden ist.

[S. 629] Magnificis dominis Petro Cheh de Lewa et Ladislao de Chak vaivodis Transsiluaniae amicis suis honorandis capitulum ecclesiae Transsiluanae amicitiam paratam cum honore. Noveritis quod cum nos literas exellentissimi principis domini Sigismundi dei gratia Romanorum imperatoris semper augusti ac Hungariae, Bohemiae, ¹⁾ Dalmaciae, Croaciae et cetera regis domini nostri naturalis et metuendi gratiosas pro partibus nobilium Demetrii Tharnok filii quondam Andreae de Thacz nec non Johannis filii Johannis de Marthonfalva aulae imperialis maiestatis militis contra Nicolaum filium Anthonii de Somkerek nobis loquentes formam gratiae et annuentiae ipsius maiestatis imperialis in se continentes debita cum oboedientia et reverentia recepissemus mandatis ipsius domini nostri imperatoris in eisdem nobis traditis obedire cupientes ut tenemur unacum Nicolao de Huzyothelek homine suo imperiali literis in eisdem inter alios nominaliter expresso nostrum hominem videlicet Symonem literatum chori ecclesiae nostrae clericum iuxta formam praescripti mandati dicti domini nostri imperatoris ad infrascriptam evocationem faciendam pro testimonio transmisimus fidedignum. Qui tandem exinde ad nos reversi nobis concorditer retulerunt, quod ipsi sabbato proximo post dominicam Quasimodo nunc praeteritam²⁾ praefatum Nicolaum filium Anthonii in possessione Wingart, in comitatu Albensi existente in portione sua ibidem habita literalia sua instrumenta facto praedictae possessionis Wingart nec non aliarum possessionum Birbo, Gergesfalua, Lengerkirch, Wereseghhaz, Wyfalw, Demeterpataka et Henningfalua vocatarum confecta scilicet cum lata sententia et processibus exinde secutis exhibituris contra memoratos Demetrium Tarnok et Johannem similiter literalia eorum instrumenta, quae facto in praemisso pro se habent confecta et emanata exhibituros novumque iudicium et iustitiam recepturos ad octavas festi beati Georgii martiris nunc venturas³⁾ vestram evocassent in praesentiam insinuassent eisdem partibus ut si venerint et dicta earum literalia instrumenta ac sententiam singulosque processus antedictos exhibuerint novumque iudicium in praemissis receperint benequidem alioquin non obstante cuiuspiam partium earundem absentia ad partibus comparentis instantiam. Id faceretis in praemissis quid iuri videretur expedire. Datum quarto die evocationis praenominatae, anno domini millesimo quadringentesimo tricesimo septimo.

Auf der Rückseite von derselben Hand Adresse: Dominis vaivodis Transsiluaniae. Pro Demetrio Tarnok de Thacz et alio intrascripto contra Nicolaum filium Anthonii de Somkerek ad octavas festi beati Georgii martyris nunc proxime venturas evocationis petitio. [S. 630]


1) Gebessert aus: Buhemiae.^{^}
2) April 13.^{^}
3) Mai 1.^{^}