Urkunde Nr. 2286 aus Band IV

Seite im UB:

632-633 ^a)

Heute in:

Kronstadt, Archiv der Honterusgemeinde

Heutige Signatur:

I E (Burzenländer Kapitel, Urkunden), Nr. 41.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

2286

Prag 1437 Juni 6 König Sigmund befiehlt dem Rat von Ofen und von Stuhlweissenburg, auf dem nächsten Jahrmarkt in einer der beiden Städte den Bewohnern von Hermannstadt und Kronstadt ihre Waren so lange zu beschlagnahmen, bis sie den königlichen Türhütern den seit acht Jahren fälligen Zins entrichtet haben.

Sigismundus dei gratia Romanorum imperator ac Hungariae, Bohemiae, Dalmaciae, Croaciae et cetera rex fidelibus nostris providis iudicibus et iuratis civibus nostrarum civitatum Budensis¹⁾ et Albensis salulem et gratiam. Multiplicatis iam vicibus per plures alias literas nostras exinde confectas magistris²⁾ civium, iudicibus et iuratis ceterisque civibus universarum civitatum nostrarum liberarum partium nostrarum Transsiluanarum, ex parte scilicet quorum census magistris ianitorum nostrorum volent provenire, districte in eo mandasse recolimus, ut ipsi huiusmodi census seu reditus magistrorum ianitorum nostrae maiestatis pro eis hactenus et signanter ab octo annis post sese iam consequenter transactis retentos modernis magistris ianitorum nostrorum plenarie extradare et persolvere deberent. Nunc autem, uti referentibus³⁾ nobis fidelibus nostris sincere delectis magnifico Emerico filio vaivodae de Marczaly magistro²⁾ ianitorum nostrorum ac egregio [S. 633] Ladislao Thewrek Bakanok vices eiusdem gerenti percepimus utique displicenter, licet praefati magistri civium, iudices ac iurati ac ceteri cives dictarum liberarum civitatum partium nostrarum Transsiluanarum serie praefatarum aliarum nostrarum literarum ad solvendum huiusmodi census seu reditus per hominem dicti Ladislai Thewrek saepe saepius requisiti fuerint, tamen ipsi huiusmodi nostris mandatis per impensum quasdam temeritatis audacia ducti dictos census magistris¹⁾ ianitorum nostrorum huiusque nullatenus persolvere curassent, quod in dictorum magistrorum ianitorum nostrorum praeiudicium et proventuum diminutionem nostrorumque mandatorum contemptum cedit multum grandum. Unde nos huiusmodi transgressores dictorum nostrorum praeceptorum impunitos relinquere dictosque magistros ianitorum nostrorum damnum in hac parte pati nolentes et fidelitati vestrae firmissimo et strictissimo nostro imperiali et regio sub edicto praecipientes mandamus,²⁾ quatenus agnita praesentium notitia in nundinis seu foro annuali primitus post harum emanationem vestri in medio celebratis³⁾ universas et quaslibet res et bona dictorum civium partium nostrarum Transsiluanarum signanterque⁴⁾ civitatis Cybiniensis et Brasschouiensis, quae scilicet inter alias civitates ipsarum partium nostrarum Transsiluanarum capitales fore dignoscuntur, in huiusmodi nundinis reperiendas arestare tandemque⁵⁾ in ipso aresto conservare debeatis, donec praedictis censibus magistris⁶⁾ ianitorum nostrorum hactenus et praesertim a dictis octo annis non volutis, sed et super omnibus expensis in horum persecutione factis dictis magistro et vicemagistro ianitorum nostrorum seu hominibus ipsorum aut alterius eorundem, harum ut puta ostensoribus, satisfactum fuerit quoad plenum, aliis literis nostris harum in contrarium sub quocumque forma verborum datis vel dandis non obstantibus quibuscumque. Alioquin sciatis a certo, ut omne damnum, quod praefatos magistros curiae nostros in hac parte per vestram negligentiam et tepiditatem⁷⁾ pati tingerit, eisdem de rebus et bonis vestris procul dubio refundemus. Secus igitur pro nostra [gratia] nullatenus facere praesumatis. Praesentibus perlectis, si secus feceritis, exhibenti restitutis. Datum Pragae, octava die festi sacratissimi corporis Christi, anno eiusdem M^oCCCC^o XXXVII^o, regnorum nostrorum regni Hungariae anno et cetera L^o et primo, Romanorum XXVII^o, Bohemiae XVII^o, imperii vero quinto. [S. 634]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-3 auf S. 632, 1-7 auf S. 633.^{^}
[S. 632]
1) Vorlage: Budensi.^{^}
2) Vorlage: magistri. [2x]^{^}
3) Vorlage: referentes.^{^}
[S. 633]
1) Vorlage: magister.^{^}
2) Vorlage: mandan [Abkürzungsstrich über Wortende].^{^}
3) Vorlage: celebratarum.^{^}
4) Vorlage: signaterque.^{^}
5) So Vorlage.^{^}
6) Vorlage: magistri.^{^}
7) Vorlage: tepidatem.^{^}