Urkunde Nr. 4752 aus Band VIII

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Heutige Signatur:

Urkunden III Nr. 80.

Druckvorlage:

nach Original

Abdruck als:

Volltext

Sprache:

Latein

---

4752

Klausenburg 1487 Dezember 6 Der siebenbürgische Vizewoiwode Stephan von Telegd ersucht das Weissenburger Kapitel, bei Untersuchung der Ausschreitungen der Sachsen von Hermannstadt, Reussmarkt und Mühlbach gegen Untertanen der Gereb de Vingart in Orlat und Kleinmühlbach mitzuwirken.

Amicis suis reverendis capitulo ecclesiae Albensis Transsilvanae Stephan de Thelegd vicevaivoda Transsilvanus amicitiam paratam cum honore. Dicitur nobis in personis reverendissimi ac magnificorum dominorum Ladislai episcopi ecclesiae Albensis praedictae et apostolicae sedis legati necnon Petri summi capitanei gentium regalium partium superiorum et Mathiae Gereb dictorum de Wyngarth regni Sclavoiae bani quod licet possessio ipsorum exponentium Waralya vocata consequenterque iobagiones eorundem in comitatu Albensi existentes commorantibus ac similiter oppidum Kerezthyenzygethe appellatum ad civitatum Cibiniensem pertinentem necnon Saxones in eodem opido residentes quasdam Alpes Hennyngmezeye vocata ad partes scilicet Transalpinas protensas et adiacentes semper in communi habuerint et pacifice unanimiter usi fuerint tamen circa festum beati Francisci confessoris¹⁾ noviter elapsum egregius magister Thomas Althemberger magister civium item circumspectus Laurencius Zabo iudex necnon Iohannes Morgreffh, Stephanus Agotha et Benedictus Mezaros ceterisque iurati cives et totus consulatus civitatis Cibiniensis missis et destinatis quam pluribus populis Wolachalis possessionis Kakowa in pertinentiis dictae civitatis Cibiniensis existentibus ad easdem Alpes abindeque universos porcos dictorum iobagionum ipsorum exponentes tunc Alpibus in eisdem pascentibus removi et repelli fecissent ac porcos ipsos in eisdem Aplibus pascere et custodiri non permitterent. Insuperque pastores ipsorum porcorum vestimentis ac armis pro tunc erga ipsos habitis et reportis aufferri et quo ipsorum placuisset voluntati fecissent, propter quod ipsa possessio Waralya annotatorum exponentium in maximam deveniset desolationem et ruinam. Quibus mediantibus idem magister Thomas Althemberger et alii praenominati dictis exponentibus tria milia florenorum auri intulissent. Et quod in profesto beatae Katharinae virginis et martiris proxime praeterito<sup>2) noctis in silentio circumspecti Gerardus iudex ac Hwpertus, Valentinus Thoth, Ladislaus Kadar, Martinus Sthenhewser et Quirianus ceterisque iurati et universi populi et incolae possessionis regiae maiestatis Kelnek vocatae ex voluntate et commissione praefati magistri Thomae Althemberger, magistri civium et aliorum praedictorum necnon similiter circunspectorum Mathei Byro et Petri Krykh iudicum regiorum sedium Zereda et Zazsebes manibus armatis et potentiariis ad Alpes ipsorum exponentium intra veras metas possessionis eorundem Kyssebes vocatae et pertinentias eiusdem omnino in comitatu Albensi existentes adiacentibus irruentes abindeque universos porcos ipsorum exponentium scilicet iobagionum eorum plus quam duo milia abigissent et depulissent et quo eorum placuisset voluntati fecissent. His non contenti volentes malis mala accumulare quendam iobagionem ipsorum exponentium in dicta possessione Kyssebes commorantem extunc illic adhibitione sagitarum iaculis graviter affecissent potentia mediante, quae annotati exponentes pro tribus milibus florenorum auri pati noluissent in praeiudicium et damnum dictorum exponentium valde magnum. Super quo vestram amicitiam praesentibus petimus diligenter, quatenus vestrum mittatis hominem pro testimonio fidedignum, quo praesente Michael de Hozzywthelek aut Oswaldus de eadem vel Paulus Sylen de Galthew sic alter Paulus Gereb seu Thomas de eadem Galthew sive Franciscus de Gald nam Sigismundus de eadem aut Laurencius de Kysenyed aliis absentibus homo noster ac omnibuz quibus decumbit meram de praemissis experiatur certitudinis veritatem quam tandem nobis suo modo rescribatis. Datum in civitate Koloswar in festo beati Nicolai episcopi de confessioris anno domini millesimo quadringentesimo octuagesimo septimo.

Auf der Rückseite Adresse: Amicis suis reverendis capitulo ecclesiae Albensis Transsilvanae pro reverendissimo domino Ladislao episcopo eiusdem ecclesiae Albensis Transsilvanae et apostolicae sedis legato et aliis intrescriptis. Inquisitoria.

Von anderer gleichzeitiger Hand: Executio facta fuit feria tertia proxima post festum conceptionis Mariae<fnz>3)</sup>, homo vicevaivodalis Thoma de Galthew, noster Dionisius presbiter capellanus domini Iohannis archiddiaconi de Thylegd.

Auf der Rückseite Konzept der Antwort des Kapitels.

<fnzt>1) April 2.</fnzt> <fnzt>2) November 24.</fnzt> <fnzt>3) Dezember 11.</fnzt>