Orig. Perg. Staatsarch. Klausenburg, Archiv der Stadt Bistritz Nr. 158. Siegel, rund Dm. 73 mm, rotes Wachs in weisser, beschädigter Waschschüssel an gelb-rosa-dunkelroter Seidenschnur angehängt. Derselbe Stempel wie Nr.
»4735.
Druck: Teleki, Hunyadiak kora (
») XII, 402 Nr. 770. Szabó, Szék. oklevéltár (
») I, 267 Nr.204.
Regest: Archiv. Zeitschrift (
») XII, 1887, 90. Berger, Urkunden-Regesten (
») 56 Nr. 337. Berger - Wagner, Urkunden-Regesten (
») I, 98 Nr. 337.
Nussbächer, Diplomatarium Regnense (
») 46 Nr. 90.
Commissio propria domini regis.
Mathias dei gratia Hungariae Bohemiae et cetera rex duxque Austriae, fidelibus nostris magnifico comiti Stephano de Bathor iudici curiae nostrae et vaivodae partium regni Transsilvanarum et cetera eiudemque vicevaivodis futuris etiam vaivodis et vicevaivodis earundem partium praesentium notitiam habituris salutem et gratiam. Expositum est maiestati nostrae pro parte et in personis fidelium nostrorum prudentum et circumspectorum iudicis et iuratorum ceterorumque universorum civium et incolarum civitatis nostrae Bistriciensis et eiusdem districtus gravi cum querela in hunc modum. Quod licet pannicidae et institores ac etiam magistri mechanici et ceteri omnes mercatores in medio eorundem residentes quascumque res et mercantias ipsorum scorsum etiam et particulatim cum ulnis videlicet et unciis in opidis Regen ac Buza et aliis opidis ipsis vicinis in foris ebdomadalibus in eisdem celebrari solitis, semper et ab antiquo liberam vendendi hactenus habuerint facultatem. Tamen impraesentiarum inhabitatores et incolae eorundem opidorum quandam abusionem introducere volentes eosdem a vendicione huiuscemodi rerum suarum providere cepissent ac illas nullatenus eisem vendere permitterent in praeiudicium libertatum ac iniuriam eorundem manifestam. Quia vero nos eosdem exponentes in eiuscemodi ipsorum antiquis libertatibus et consuetudinibus illibate conservare et per neminem impediri seu perturbari volumus idcirco fidelitati vestrae harum serie firmissime committimus et mandamus quatenus eosdem exponentes contra dictos et alios etiam quoscumque opidanos exceptis dumtaxat opidanis nostris de Wasarhel in huiusmodi eorundem libertatibus et antiquis consuetudinibus tueri, protegere et defensare ac indemniter manutenere debeatis, neque eosdem per dictos opidanos quovis pacto in hoc perturbare seu impedire permittatis nostra in persona et auctoritate vobis in hac parte plenarie attributa mediante. Aliud mullatenus facturi. Praesentibus perlectis exhibenti restitutis. Datum in arce civitatis nostrae Wiennensis feria quarta proxima post dominicam Quasimodo, anno domini millesimo quadringentesimo octogesimo octavo regnorum nostrorum anno Hungariae et cetera trisesimo primo. Bohemiae vero decimo nono.
Super libertates fororum Regen et cetera.