Urkunde Nr. 4781 aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 159.

Druckvorlage:

nach Original

Abdruck als:

Volltext

Sprache:

Latein

---

4781

Wien 1488 April 16 König Matthias verbietet dem Vikar der Weissenburger Kirche, weltliche Rechtsfälle im Bistritzer Distrikt vor das geistliche Gericht zu ziehen.

Von der Kanzlei: Commissio propria domini regis.

Mathias dei gratia Hungariae, Bohemiae et cetera rex duxque Austriae fideli nostro venerabili et egregio vicario ecclesiae Albensis Transilvanae, salutem et gratiam. Mandaveramus tibi superioribus annis per literas nostras satis quidem seriose, ne fideles nostros prudentes et circumspectos iudicem et iuratos ceterosque cives et incolas civitatis nostrae Bistriciensis ac distructus eiusdem vel eorum alterum contra antiquas ipsorum libertates ratione alicuius causae, furum saeculare concernentis tui in praesentiam citari¹⁾ facere auderes. Tamen prout nunc²⁾ ex eorundem civium nostrorum querela intelleximus, tu non curatis eiuscemodi mandatis nostris eosdem exponentes in causa directe forum saeculare et non spirituale concernente saepius tui in praesentiam citare faceres, ipsosque per hoc tam in expensis quam etiam fatigis multiplciter gravares. Quare rursus tibi strictissime committimus et mandamus, ut deinceps a talibus abstineas et praefatos exponentes, in causa forum saeculare concernente, tui in praesentiam citare facere nulla ratione praesumas, nam alioquin ex nunc committimus per praesentes universis decanis ac plebanis ceterisque quarumcumque ecclesiarum rectoribus praedicti districtus Bistriciensis, ut tibi in hac parte, privatione beneficiorum suorum nullomodo obedire aut parere, et ad requisitionem tuam neminem ipsorum exponentium citare audeant. Aliud ergo nulla ratione facturu praesentibus perlectis exhibenti restitutis. Datum in arce nostra Vienensi feria quarta proxima post dominicam Quasimodo, anno domini millesimo quadringentesimo octogensimo octavo.


1) Gebessert aus citare.^{^}
2) Hierauf gestrichen vos.^{^}