Urkunde Nr. 4785 aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. A Nr. 4.

Druckvorlage:

nach Original

Abdruck als:

Volltext

Sprache:

Latein

---

4785

Wien 1488 April 30 König Matthias trägt dem Rat von Hermannstadt auf, alle früher im Appell in Bistritz verhandelten Klausenburger Rechtsfälle im eigenen Wirkungskreis zu entscheiden.

Von der Kanzlei: Commissio propria domini regis.

Mathias dei gratia rex Hungariae, Bohemiae et cetera rex duxque Austriae fidelibus nostris prudentibus et circumspectis, magistro civium, iudici ac iuratis ceterisque civibus civitatis nostrae Cibiniensis salutem et gratiam. Quemadmodum ex speciali gratia nostra per alias nostras fidelibus nostris prudentibus et circumspectis iudici et iuratis civibus civitatis nostrae Koloswariensis id annuimus, ut universae causae in praesentia ipsorum movenda, quae alias ad civitatem nostram Bistriciensem de praesentia ipsorum per modum interrogationis appellari solebant in praesentiam vestrae appellentur, ita volumus et etiam serie praesentium vobis strictissime praecipimus et mandamus, aliud habere nolentes, quatenus universas huiusmodi causas, quae de praesentia dictorum iudicis et iuratorum civium civitatis nostrae Koloswariensis vestri in praesentiam per modum interrogationis appellantur non obstante quorumlibet contradictione temporibus semper opportunis iuxta contenta earundem literarum nostrarum ipsis superinde datarum adiudicare et in eisem prout dictaverit ordo iuris procedere modis omnibus debeatis et teneamini. Aliud nullo modo facere praesumatis ; praesentibus perlectis exhibenti restitutis. Datum Viennae feria quarta proxima ante festum beatorum Philippi et Jacobi apostolorum, anno domini millesimo quadringentesimo octogesimo octavo.