Urkunde Nr. 4786 aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Zünfte [Colecţia Bresle] (Inventar 784-786), mittelalterliche Sammlung, Nr. 12.

Druckvorlage:

nach Original

Abdruck als:

Volltext

Sprache:

Latein

---

4786

Wien 1488 April 30 König Matthias befiehlt den Rechtsinhabern aus Siebenbürgen, das freie Handelsrecht der Klausenburger zu achten.

Von der Kanzlei: Commissio propria domini regis.

[Mathias dei gratia Hun]gariae¹⁾ Bohemiae et cetera rex duxque Austriae, fidelibus nostris universis et singulis nobilibus et alterius cuiusvis [status et conditionis posses]sionatis hominibus, item civitatibus, oppidis et villis earumque rectoribus, iudicibus et villicis cunctis etiam [aliis regnicolis nost]ris ubivis in regno nostro Hungariae et partibus sibi subiectis constitutis et existgentibus praesentes visuris salutem [et gratiam. Ex querul]osa significatione fidelium nostrorum prudentum et circumspectorum iudicis et iuratorum ceterorumque civium civitatis [nostrae Koloswariensis acce]pimus, qualiter nonnulli forent ex vobis qui exquisitis quibusdam adinventionibus eisdem exponentibus [res et bona mercim]onialia in foris seu nundinis liberis in medio vestri celebrari solitis vendere et emere ac commutare non [permitterent, in praeiu]dicium eorundem exponentium et dampnum manifestum. Supplicatum itaque extitit maiestati nostrae pro parte [eorundem civium u]t ipsis circa praemissa de remedio providere dignaremur opportuno; quia vero nos nullo modo volumus [ipsos cives per vos] sic indebite opprimi, fidelitati idcirco vestrae et cuilibet vestrum serie praesentium strictissime praecipimus et [mandamus quatenus] a modo imposterum praefatis exponentibus et cuilibet eorum huiusmodi res et bona mercimonialia in [foris seu nundinis] in medio vestri ut praemittitur celebrari solitis, ubique libere, pacifice et sine omni impedimento quibuscunque [videlicet voluerint v]endere et a quibuscunque item voluerint emere et comparare, permittere et permitti facere modis omnibus [debeatis et teneami]ni. Aliud nullatenus facere praesumatis; praesentibus perlectis exhibenti restitutis. Datum Wiennae in profesto [beatorum Philippi] et Iacobi apostolorum, anno domini millesimo quadringentesimo octogesimo octavo.


1) Lücke ergänzt nach Jakab.^{^}