Urkunde Nr. 4787 aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), Priv. J Nr. 25.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

4787

Wien 1488 Mai 5 König Matthias trägt dem Rat von Ofen auf, dem Rat der Stadt Klausenburg seine Bestimmungen über die Wahl von Richter, Rat und Hundertmannschaft in beglaubigter Abschrift auszufolgen.

Mathias dei gratia Hungariae, Bohemiae etcetera rex duxque Austriae fidelibus nostris prudentibus et circumspectic iudici et iuratis ceterisque civibus civitatis nostrae Budensis salutem et gratiam. Dicitur nobis in personis fidelium nostrorum circumspectorum iudicis et iuratorum ceterorumque civium civitatis nostrae Koloswariensis, qualiter ipsi in constitutione seu praefectione iudicis et iuratorum ceterorumque civium ac centrum hominum in illa civitate constituendorum ac aliis universis iuribus ea lege eaque consuetudine quas scillicet et vos in illa civitate nostra Budensi utimini, semper et ab antiquo usi fuissent et uti vellent etiam imposterum. Supplicatum igitur extitit nobis, ut eisdem huiusmodi libertatum et consuetudinum vestrarum paria in scriptis per vos dari facere dignaremur. Quam ob rem volumus et fidelitati vestrae serie praesentium strictissime praecipimus et mandamus, quatenus statim acceptis praesentibus praefatis iudici et civibus civitatis noastrae Koloswariensis praedictae paria huiusmodi constitutionis et praefectionis iudicis et iuratorum ceterorumque civium ac centum hominum necnon universarum aliarum libertatum et consuetudinum vestrarum in scriptis sub sigillo vestro dari et emanari facere modis omnibus debeatis et teneamini. Aliud nullo modo facturi. Datum Viennae feria secuna proxima post festum inventionis sanctae crucis, anno domini millesimo quadringentesimo octogesimo octavo.