Urkunde Nr. 4796 A aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1666.

Druckvorlage:

nach Original

Abdruck als:

Volltext

Sprache:

Latein

---

4796 A

Ofen 1488 November 3 Bürgermeister Thomas Altemberger und der Ratsherr Benedikt von Hermannstadt berichten ihrem Stadtrat über Fragen, die sie in der Vorsprache beim König zu klären hoffen.

Prudentes ac circumspecti viri domini et amici honorandi. Noveritis nos in die omnium sanctorum¹⁾ per Frencz literas accepisse regias, ut sine omni mora propter certorum oratorum adventum ad maiestatem suam venire celebriter deberemus. Unde captata benivolentia reverendissimi domini thesaurarii hodie iter ut speramus feliciter accipiemus. Ceterum inter alia mihi maiestas regia, ut arma pro vaivoda Moldauiensi quot habere voluerit libere fieri et exportari permittantur. Memini vestris dominationibus in proximis literis nostris de data in vigilia omnium sanctorum²⁾ emanatis scripsisse, ut provinciales more alias circa festum sanctae Katherinae virginis³⁾ pro decisione causarum et aliis tractandis negotiis convocari deberitis et impositionem cum eisdem facere ad minus ad domum numeralem florenos auri 20, quoniam firmiter speramus nos obtinere posse apud maiestatem⁴⁾ regiam⁴⁾ ut durante hoc anno absoluti sumus ab omni onere solutionis taxae. Deinde consultum mihi videtur, ut post dicationem nobilium post aliquot dies dicentur pertinentiae nostrae sicuti alias consuetum fuit nec de his multum memorari debetis in congregatione provincialium, quoniam sub adventu nostro speramus illas pertinentias ex indultu provincialium pro fabrica civitatis posse obtinere. Ut ergo omnia in fine anni bono modo concludantur et omnia debita et servitia expediantur, modis omnibus impositio fieri debebit, ut superius contentum est. Bene valeant vestrae domintiones et nos et nostros recommissos habete. Datum Budae feria secunda sub recessu nostro ad Wiennam feria 2 post omnium sanctorum 1488.

Magister Thomas Altemberger magister civium.
Et Benedictus iuratus Cibinienses vestri.

Auf der Rückseite Adresse: Prudentibus ac circumspectis viris magistro ciuvium iudicibus et iuratis civibus civitatis Cibiniensis, dominis et amicis nostris carissimis.


1) November 1.^{^}
2) Oktober 31.^{^}
3) November 25.^{^}
4) Über der Zeile. [2x]^{^}