Urkunde Nr. 4799 aus Band VIII

Heute in:

Bukarest, Staatsarchiv [Arhivelor Naţionale ale Romȃniei, București]

Druckvorlage:

nach Original

Abdruck als:

Volltext

Sprache:

Latein

---

4799

Wien 1488 Dezember 22 König Matthias verbietet dem siebenbürgischen Woiwoden, dessen Vizewoiwoden sowie den Amtsträgern der Burgen [Diemrich /] Deva und Hunyad, von den Bewohnern Mühlbachs und seiner Pertinentien Zölle einzuheben.

Von der Kanzlei: Commissio propria domini regis.

Mathias dei [gratia]¹⁾ Hungariae, Bohemiaeque rex necnon Austriae dux et cetera fidelibus nostris magnifico comiti Stephano de Bathor [iudici cu-]¹⁾riae nostrae ac vaivodae partium regni nostri Transsilvanarum suisque vicevaivodis ac tributariis et officialibus in [pertinentiis]¹⁾ castri Dewa constitutis et item castellanis castri nostri Hwayad eorundemque officialibus ubivis in pertinentiis de [Hacze[g existentibus, praesentibus et futuris praesentes visuris salutem et gratiam. Expositum est maiestati nostrae pro parte et [in person]a¹⁾ fidelium nostrorum prudentum et circumspectorum iudicis et iuratorum ceterorumque universorum civium et in[colaru]m¹⁾ opidi nostri Zazsebes et pertinentiarum suarum quod quamvis iidem antiqua eorum libertatis praerogativa requirente ab omni solutione tributi seu telonii per universum regnum nostrum et partes sibi subiectas exempti sint et [suppo]rtati¹⁾ habeantur, tamen vos non curatis eiuscemodi libertatibus eosdem sed et homines et familiares ip[sorum ra]tione¹⁾ mercantiarum ac aliarum rerum suarum venalium per eosdem deferendarum in locis tributorum nostrorum diver[simodo impedi]retis¹⁾ et perturbaretis ipsosque ad solutionem ipsius tributi artaretis et compelleretis in damnum ac iniuriam [et praeiu]dicium¹⁾ libertatum eorundem manifestam. Et quia nos ipsos exponentes in huiuscemodi libertatibus et praerogativis [ ]¹⁾ per neminem regnicolarum nostrorum ita neque per vos aut alterum vestrum aliquo pacto impediri seu perturbari [vol]umus¹⁾. Fidelitati igitur vestrae harum serie firmissime praecipimus et mandamus, quatenus amodo deinceps praefatos exponentes sed et homines aut familiares eorundem ratione mercatiarum au aliarum quarumcumque rerum venalium ad solutionem alicuius tributi artare et compellere ac tarique et compelli facere nullatenus praesumatis nec sitis ausi modod aliquali gratiae nostrae su obtentu. Praesentibus perlectis exhibenti restitutis. Datum Wiennae feria secunda proxima post festum beati Thomae apostoli, anno domini millesimo quadringentesimo octogesimo octavo.


1) Lücke 14 mm. [11x]^{^}
2) Lücke 26 mm.^{^}
3) Lücke 11 mm.^{^}