Urkunde Nr. 4801 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 463.

Druckvorlage:

nach Original

Abdruck als:

Volltext

Sprache:

Latein

---

4801

Wien 1488 Dezember 22 König Matthias verbietet dem Adligen Johannes Dawlosy, von den Bewohnern der Sieben Stühle an der Zollstelle in Chendu Zölle einzuhebe.

Von der Kanzlei: Commissio propria domini regis.

Mathias dei gratia Hungariae¹⁾ Bohemiaeque rex necnon Austriae dux et cetera fideli nostro nobili Hohanni Dawlosy salutum et gratiam. Expositum est nobis pro parte et in personis fidelium nostrorum magistri civium ac iudicum et iuratorum ceterorumque universorum civium et incolarum civitatum nostrarum Cibiniensis et Segeswariensis ac Septem Sedium Saxonicalium gravi cum querela, quod quamvis iidem antique ipsorum libertatis praerogativa requirenter ab omni solutione tribute sew thelonis per universum regnum nostrum et partes sibi subiectas exempti sint et supportati habeantur. Tamen tu non curatis huius modi ipsorum libertatibus eosdem, sed et homines ac familiares eorundem ratione mercantiarum ac aliarum rerum suarum venalium per eosdem deferendarum in locis tributorum tuorum et signanter in posessione Kendy vocata multipliciter impedires et perturbares atque eosdem ad solutionem huiusmodi tributi artares et compelleres in dampnum ac iniuriam et praeiudicium libertatum eorundem manifestam. Et quia nos ipsos exponentes in huiusmodi suis libertatibus sicuti per neminem regnicolarum nostrorum ita neque per te aliquo pacto impediri seu perturbari volumus, fidelitati igitur tuae harum serie firmissime committimus et mandamus, quatenus a modo deinceps praefatos exponentes sed et familiares et homines eorundem ratione mercantiarum aut aliarum rerum venalium per eosdem deferendarum ad solutionem alicuius tributi artare et compellere artari que et compelli facere nullatenus praesumus nam alioquin commissimus et serie praesentium firmiter committimus atque plenam nostram auctoritatem et facultatem damus fidelibus /nostris/²⁾ vaivodae et vicevaivodis suis et ipso scito super praemisis mera veritate huius / /³⁾ thelon / /⁴⁾ is in continenti in ipsorum debeant et teneantur. Auctoritate nostra praesentibus ipsis in hac parte attributa m/ediante Aliu/⁵⁾d ergo nulla ratione facere praesumus; praesentibus perlectis exhibentis restitutis. Datum Wien/nae fer/⁶⁾ia secunda proxima post festum beati Thomae apostoli, anno domini millesimo quadringentesimo octogesimo octo.


1) Lücke 23 mm.^{^}
2) Lücke 8 mm.^{^}
3) Lücke 6 mm.^{^}
4) Lücke 35 mm.^{^}
5) Lücke 31 mm.^{^}
6) Lücke 14 mm.^{^}