Urkunde Nr. 4808 aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 468.

Druckvorlage:

nach Abschrift

Abdruck als:

Volltext

Sprache:

Latein

---

4808

Wien 1489 Februar 10 König Matthias verbietet, dass ungarländische, moldauische und walachische Kaufleute in Siebenbürgen rohe Felle und Häute aufkaufen und sie ausser Landes führen.

Mathias dei gratia Hungariae Bohemiaeque rex necnon dux Austriae et cetera fidelibus nostris, magnifico comiti Stephano Bathori iudici curiae nostrae et vaivodae partium regni nostri Transilvanarum suisque vicevaivodis et item prudentibus et circumspectis magistro civium ac iudicibus et iuratis ac aliis senioribus Saxonum nostrorum septem sedium Saxonicalium praesentibus et futuris salutem et gratiam. Accepimus non sine displicentia, qualiter nonnulli forent mercatores et negotiatores ac alii homines, tam in illo regno nostro Hungariae quam etiam in Moldavia et partibus Transalpinis commorantes, qui pelles et cutes crudas per artificium scilicet nondum laboratas seu politas pro se emerent et in curibus ac equis onerariis contra antiquam libertatem et consuetudinem illarum partium Transilvanensium de eisdem partibus Transilvanis ad exteras terras et locas in magna quantitate deferrent, quod cederet in praeiudicium et damnum earundem partium atque incolarum suarum valde magnum. Et quia nos vetustam libertatem et consuetudinem earundem partium regni nostri per neminem infringi volumus, fidelitati igitur vestrae serie praesentium strictissime praecipimus et mandamus, quatenus a modo imposterum huiuscemodi cutes crudasnemini penitus contra huiuscemodi consuetudine et libertates illarum partium emere et educere permitatis. Ubi vero aliqui huic mandato nostro ausu quodam temerario in contrarium fecerint et vos superinde requisiti fueritis universos eiuscemodi pelles libere pro nobis aufferre et occupare debeatis et teneamini auctoritate nostra praesentibus vobis in hac parte plenarie attributa mediante. Et hoc volumus per fora et alia loca publica facere proclamari. Aliud non facturi. Datum Viennae in festo beatae Scholasticae virginis, anno domini millesimo quadringentesimo octogesimo nono.