Urkunde Nr. 500 aus Band I

Seite im UB:

456-457

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 62 689.

Druckvorlage:

nach Original

Abdruck als:

Volltext

Sprache:

Latein

---

500

Grosswardein 1332 Oktober 6 König Karl untersagt den Bistritzern die Nutzniessung der an Johann Hennel verliehenen Besitzung Ependorf.

Karolus dei gratia rex Hungariae fidelibus suis universis villicis seu iudicibus, iuratis et hospitibus seu populis de Bezterce et ad eandem pertinentibus ac specialiter de villa Jad quibus praesentes ostenduntur salutem et gratiam. Dicit nobis magister Johannes dictus Hennel, filius Johannis filii Geubul, quod¹⁾ vos¹⁾ contra quam plurimas inhibitiones suas mediantibus literis nostris factas ususfructus et utilitates cuiusdam possessionis suae Ependorph vocatae ac ad eandem pertinentium indebite contra ipsius voluntatem et in ipsius praeiudicium percepissetis et perciperetis incessanter. Super quo fidelitati vestrae et cuilibet vestrum edicto praecipientes regio firmo firmius mandamus per praesentes, quatenus receptis praesentibus ab usu et utilitatum perceptione dictae possessionis Ependorf per nostram excellentiam eidem Johanni pro fidelitatibus suis sicut dicit datae, contra ipsius voluntatem vos omnino continere et prohibere debeatis, et si quas iniurias [S. 457] vel damna in dicta perceptione utilitatum dictae possessionis eidem Johanni intulissetis, ipsi refundere damna eadem et satisfactionem exhibere et impendere debeatis, et aliud sicut nostram regiam indignationem incurrere formidatis non facturi, caventes ne super facto eodem contra vos per ipsum de cetero porrigatur querimonia aliqualis. Datum in Waradino, in octavis beati Michaelis archangeli, anno domini M^o. CCC^o. XXX^mo. secundo.

Unter dem Siegel: Relatio vaivodae Thomae.


1) Ueber der Zeile nachgetragen [2x]. ^{^}