Urkunde Nr. 4819 aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Bistritz [Primăria Oraşului Bistriţa] (Inventar 58ff.), Urkunden Nr. 161.

Druckvorlage:

nach Original

Abdruck als:

Volltext

Sprache:

Latein

---

4819

Neumarkt am Mieresch 1489 April 26 Der siebenbürgische Woiwode Stephan Báthori bezeugt, dass der Rat von Bistritz das Sühnegeld für einen getöteten Diener des Kastellans von Unguraş erlegt hat.

Nos comes Stephanus de Bathor vaivoda Transsilvanus necnon iudex curiae serenissimi principis domini Mathiae dei gratia regis Hungariae, Bohemiae et cetera memoriae commendamus, quod nobilis Iohannes Wancha de Galfalwa, castellanus castri Balwanyos, coram nobis personaliter constitutus est et confessus in hunc modum: Quod quia circumspecti viri iudex et iurati cives civitatis Bystriciensis de et super illis viginti quinque florenis auri, quos ipsi in homagium cuiusdam famuli dicti Iohannis Wancha alias in dicta civitate Bystriciensi interfecti iuxta continentiam aliarum literarum nostrarum exinde confectarum ipsi Iohanni Wancha solvere tenebantur et obligabantur, eidem Iohanni Wancha plenarie persolvissent et restituissent. Ideo ipse Iohannes eosdem iudicem et iuratos cives et omnes ad eos pertinentes homines de et super nece et interemptione dicti famuli sui ac solutione praescriptorum viginti quinque florenorum quittos et expeditos reddidisset et commisisset immo reddidit et commisit et omnibus fratribus et cognatis dicti famuli sui, qui homagium suum super ipso cives requirere voluerint, se responsurum promisit nostra in praesentia. Harum nostrarum vigore et testimonio literarum mediante. Datum in oppido Wasarhel in dominica Quasimodo, anno domini millesimo quadringentesimo octoagesimo nono.