Urkunde Nr. 4826 aus Band VIII

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 19541.

Druckvorlage:

nach Original

Abdruck als:

Volltext

Sprache:

Latein

---

4826

Schässburg 1489 Juni 23 Der Schässburger Rat versichert dem König Matthias im Falle seines Ablebens seinen Sohn Johannes Corvinus als Erbherrn anzuerkennen.

Nos Ambrosius Pawr magister civium, Petrus Rozner regius, Valentinus Pictor terrestris iudices, magister Michael, alias magister civium, Valentinus Pellifex villicus, Hieronimus Kalmusch, Franciscus Kalmusch, Iohannes Knochenheweer, Nicolaus Otyl, Iacobus Faber, Cristannus Zwr, Bartholomeus Pellifex, Mathias Pictor, Ladislaus Bolkaz, Iohannes Greb aurifaber et Georgius Textor, iurati cives et tota communitas civitatis Segeswariensis fatemur et recognoscimus pro nobis haeredibusque et successoribus nostris, quod de voluntate et speciali commissione serenissimi principis et domini, domini Mathiae, regis Hungariae et Bohemiae necnon ducis Austriae et cetera, domini nostri gratiosissimi iuravimus et promisimus iuramurque et promittimus per praesentes fide nostra christiana mediante ac sub honore et humanitate nostris quod si et in quantum ipsa regia maiestas a serenissima domina regina Beatrix, domina nostra gratiosissima et eius consorte legittima prolem non suscipiet et maiestatem suam sine tali prole, deo ita volente, ab hoc luce migratie contigat post suae maiestatis obitum illustrissimum dominum Iohannem corvinum, ducem Oppaviae et cetera, filium suae maiestatis, in verum haereditarium dominum capiemus, hancque civitatem nostram dominationi suae illustrissimae fideliter confirmabimus et ad ullius alterius viventis manus et potestatem dabimus, sed tum modo ipsum illustrissimum dominum ducem simulcum tota ista civitate et communitate pertinentiisque suis pro nostro vero domino et principe recipiemus et recognoscemus sibique fidelitatis homagium et omnem oboedientiam ac subiectionem praestabimus et faciemus, nec quempiam alium pro nostro principe et domino naturali tenebimus. Ad hoc autem nos et praefatos haeredes et successores nostros sub praefata fide nostra christiana iterum atque iterum obligamur. In cuius re memoriam et firmitatemque¹⁾ praesentes literas nostras sigilli nostri maioris civitatis munimine roboratas eiusdem illustrissimo domino duci duximus, dandi et concedendi. Datum in Segeswar in vigilia beati Iohannis baptistae, anno domini millesimo quadringentesimo octuagesimo nono.


1) So Vorlage.^{^}