Urkunde Nr. 4831 aus Band VIII
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Klausenburg [Primăria Oraşului Cluj] (Inventar 1ff.), D Nr. 63.
- Druckvorlage:
- nach Original
- Abdruck als:
- Volltext
- Sprache:
- Latein
4831
Ofen 1489 Oktober 30 König Matthias ordnet an, die Umstände des Brandes zu untersuchen, dem ein grosser Teil der Stadt Klausenburg zum Opfer gefallen und dessen Urheber angeblich der Adlige Franz Mykola war. Orig. Pap. Staatsarch. Klausenburg, Archiv der Stadt Klausenburg D 63. Siegel, rund Dm. 76 mm, in rotes Wachs papierbedeckt, vorne aufgedrückt. Derselbe Stempel wie Nr.
»4735.
Druck: Jakab, Oklevéltár (
») I, 289 Nr. 179 zu November 2.
Commissio propria domini regis.
Mathias dei gratia Hungariae Bohemiaeque rex necnon dux Austriae et cetera fidelibus nostris egregiis magistro Ladislao de Doroghaza prothonotario iudicis curiae nostrae, Stephano Thelegdy vicevaivodae partium regni nostri Transsilvanarum ac alteri Stephano Zewld comiti Camerae nostrae Rivuli dominarum slautem et gratiam. Quoniam civitas nostra Koloswariensis ex quodam incendio his diebus in maiori parte simulcum ecclesia parochiali miserabiliter conflagravit, omnis autem occasio et causa huius mali nobili Francisco Mykola de Zamosfalwa prout accipimus multis rationibus imponitur. Ob hoc ad inquisitionem simul et revisionem ipsius rei vos delegimus et simul id quod superinde faciendum esse decrevimus vobis commisimus mandantes firmiter, quatenus acceptis praesentibus ad unum certum et competentum terminum ad ipsam civitatem nostram Koloswariensem aut alium propinquum et convenientem locum communi consilio conveniatis atque vicinis, nobilibus et ignobilibus ac aliis quorum interfuerit convocatis, accepta ab eisdem fide et iuramento solito debitam et legitimam superinde faciatis inquisitionem. Quod si ipsum Franciscum Mykola tanti sceleris auctorem fuisse compereritis extunc volumus, ut possessionem illam Zamosfalwa eidem civitati nostrae Koloswariensi auctoritate nostrae maiestatis praesentibus vobis in hac parte concessa perpetuo iure statuis et commitatis possidendam contradictione quorumlibet non obstante. Aliud nullo modo facturi. Praesentibus perlectis exhibentis retitutis. Datum Budae feria sexta proxima post festum beatorum Simonis et Iudae apostolorum, anno domini millesimo quadringentesimo octogesimo nono.