Urkunde Nr. 4834 aus Band VIII

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 27734.

Druckvorlage:

nach Eintragung / Konzept

Abdruck als:

Volltext

Sprache:

Latein

---

4834

1489 November 25 Der Konvent von Kolozsmonostor bezeugt, dass Apolonia, Witwe Johanns von Gallendorf ihre Besitzanteile in Kleinblasendorf und Büa an Johannes Chulay von Gallendorf verpfändet hat.

Nos conventus monasterii beatae Mariae virginis de Colosmonostra memoriae commendamus quod nobilis domina Apolonia nuncupata, relicta quondam Johannis de Galfa, filia videlicet alterius quondam Johannis de Sombor, nostram personaliter veniens in praesentiam vivae vocis oraculo spontaneaque sua voluntate confessa extitit in hunc modum: Quod ipsa portionem possessionariam in possessione Balasthelke vocata in comitatu de Kykellew existente habitam a quondam nobilis domina Magdalena appelata, consorte videlicet olim Pauli Galfy pro sexaginta sex florenos puri auri propriis suis pecuniis remutasset. Item etiam aliam simliter portionem possessionariam in possessione Bewnye vocata in dicto comitatu de Kykellew existente habitam a Johanne et quondam Thoma de Barcha pro quinquaginta florenos similiter puri auri suis¹⁾ redemisset eademque domina Apolonia pro quibusdam nunc suis necessitatibus ipsam ad praesens urgentibus evitandis praefatam portionem possessionariam Balasthelke nominatam cum cunctis eiusdem utilitatibus et pertinentiis quibuslibet puta terris arabilibus cultis et incultis, pratis, fenetis, silvis memoribus, piscinis, aquis, aquarumque decursibus et generaliter cunctis utilitatum integritatibus iuris ad eandem spectantibus dinoscente Johanni Chwlay de Galfalwa pro octuaginta florenos puri auri plene ut dixit receptis et habitis ab eodem²⁾ pignori obligasset immo obligavit nostri in praesentia³⁾ sic et taliter quod ipsa domina Apolonia vita sua perdurante in eadem portione possessionaria Balasthelke in pacifico dominio persistere et permanere fructusque et utilitates eiusdem percipere valeat et idem Johannes Chwlay eandem dominam Apoloniam usque mortem eiusdem in annotata portione possessionaria Balasthelke contra quoslibet protegere et tenere debeat et teneatur hoc adiecto, quod si ipsa domina Apolonia ab hac luce decedere contigeret, extunc Simon Galfy de Galfa a praenotato Johanne Chwlay pro praedictis octuaginta florenos auri tam propriis suis et non aliorum pecuniis sed neque alienis nisi sibimet praetactus Simon Galfy dictam portione possessionariam Balasthelke redimere valeat atque possit. Quia ut etiam ipsa domina Apolonia asseruit praelibatus Simon Galfy ultra et in pluribus quam octuaginta florenos auri eidem dominae Apoloniae debitoris obligatus⁴⁾ foret tamen ipsa dictorum octuaginta florenorum auri super fraternitatem eidem Simoni Galfy pure propter deum remisisset et relaxasset immo remisit et relaxavit coram nobis harum nostrarum testimonio literarum. Datum feria quarta videlicet in festo beatae Katherinae virginis et martiris, anno domini millesimo quadringentesimo octuagesimo nono.


a) UB-Mskr.: Zeitgenössisches Konzept, Pap.^{^}

1) Über der Zeile. ^{^}
2) Folgt tantum vita eiusdem domnae Apoloniae perdurante pignori durchgestrichen.^{^}
3) Folgt tali modo quod praelibatus Johannes Chwlay ipsam dominam Apoloniam semper a contiguis temporibus usque mortem eiusdem in annotata durchgestrichen; statt dessen von sic bis annotata unten in anderer gleichzeifiger Schrift nachgetragen.^{^}
4) Vorlage obiligatus.^{^}