Urkunde Nr. 511 aus Band I

Seite im UB:

464-465 ^a)

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Nova Collectio posterior (Inventar 28), Nr. 1829.

Druckvorlage:

nach Original

Abdruck als:

Volltext

Sprache:

Latein

---

511

1334 November 10 bis 20 Priester Johannes verzeichnet die durch ihn von Pfarrern des Brooser Dekanates eingehobenen Abgaben.

[No]ta quod anno domini M^o. CCC^o. XXX^mo quarto feria quinta proxima ante festum beati Martini confessoris¹⁾ ego Johannes sacerdos exactor censuum dominorum de decanatu de Warasyo dicavi fumos seu focos sive inquilinos et hospites de Warasyo et inveni in toto CCC^tos et quadraginta quatuor fumos, excepta domo balnearia et quatuor beginas, et Nicolaus plebanus eiusdem loci solvit pro censu fumis sic computatis solvit sex²⁾ marcas argenti maioris ponderis [m]inus medio fertone.
Item feria sexta scilicet in festo beati Martini³⁾ dicavi villam Koztow et inveni sexaginta quatuor fumos, simul cum molendino et domibus comitis, [s]colaris et pastoris, et Johannes plebanus eiusdem loci solvit.
Item Sabbato scilicet secundo die festi beati Martini⁴⁾ dicavi villam Bereen et inveni in ea C^m et septem fumos in toto cum molendino et domibus comitis, scolaris, pastoris, et Laurencius plebanus eiusdem loci solvit.
Item in festo beati Briccii confessoris⁵⁾ dicavi villam Zarkad et inveni in ea sexaginta fumos in toto et unum molendinum, et Wyncho plebanus de eadem solvit unam²⁾ marcam maioris ponderis, et ad petitionem sociorum suorum, quia non habebat, ut dixit, relaxavi unum kuntinum.
Item feria secunda scilicet secundo die beati Briccii⁶⁾ dicavi villam Tordas et inveni in ea quinquaginta sex fumos, et Corrardus plebanus de eadem solvit unam²⁾ marcam maioris ponderis minus lotone. [S. 465]
Item feria tertia¹⁾ dicavi villam Purkaz et inveni in ea triginta quinque fumos, et Petrus plebanus de eadem solvit mediam²⁾ marcam et quinque kuntinos maioris ponderis.
Item feria quarta scilicet in festo beati Othmari confessoris³⁾ dicavi villam Ramaz⁴⁾ et inveni in ea CC^tos et quinquaginta quinque fumos in toto cum molendino et aliis, et Sigirmannus plebanus de eadem solvit quatuor²⁾ marcas et fertonem maioris ponderis. Sic⁵⁾ in toto sunt nongenti et XXV fumi.
Item secundo die festi beatae Elyzabet⁶⁾ dicavi villam Crakow et inveni in ea C^m et octuaginta octo fumos, et Paulus plebanus tenetur solvere tres marcas et medium fertonem fini argenti maioris ponderis, et quia mihi non solvit posui sibi interdictum.
Item eodem die de secundo dicavi villam Igun et inveni in ea CC^tos et XVII fumos, et Johannes plebanus de eadem tenetur solvere tres marcas et mediam cum dimidio fertone minus kuntino fini argenti cum pondere maiori.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-6 auf S. 464, 1-6 auf S. 513, dortige 7-8 zu nachfolgender Urkunde).^{^}
[S. 464]
1) November 10. ^{^}
2) Von hier an später eingetragen [3x]. ^{^}
3) November 11. ^{^}
4) November 12.^{^}
5) November 13. ^{^}
6) November 14. ^{^}
[S. 465]
1) November 15.^{^}
2) Von hier an später eingetragen [2x].^{^}
3) November 16.^{^}
4) Vorlage: Bamaz.^{^}
5) Von Sic bis fumi ebenfalls später eingetragen.^{^}
6) November 20.^{^}