Urkunde Nr. 5509 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. II (Inventar 25 ), Nr. 579.

Druckvorlage:

nach Original

Abdruck als:

Volltext

Sprache:

Latein

---

5509 *

Ofen 1495 Mai 6 König Wladislaw II. gestattet Bürgermeister, Richtern, geschworenen Ältesten und übrigen Sachsen der Stadt Hermannstadt und der sächsischen Sieben Stühle, der Gepflogenheit anderer Städte des Reiches folgend aus ihrer Mitte jährlich hundert Männer zu wählen.

Wladislaus dei gratia rex Hungariae et Bohemiae et cetera fidelibus nostris prudentibus et circumspectis magistris civium ac iudicibus et iuratis senioribus ceterisque Saxonibus civitatis nostrae Cibiniensis et septem sedium Saxonicalium salutem et gratiam. Intelleximus, qualiter vos consuetudinem aliarum civitatum huius regni nostri sequentes e medio vestri centum electos homines annuatim eligere cepistis. Quod cum ad magnam commoditatem et futuram vestram quietem futurum cognoscamus, eiuscemodi electionem atque inceptam consuetudinem vestram probandam et etiam ratificandam duximus probamusque et ratificamus per praesentes. Volentes et fidelitati vestrae firmiter committentes, ut a modo imperpetuum eiuscemodi electos homines singulis annis instar aliarum civitatum huius regni nostri de medio vestri eligere et hac consuetudine semper uti et gaudere debeatis. Et aliud nulla ratione facere audeatis. Datum Budae in festo beati Johannis ante portam latinam, anno domini millesimo quadringentesimo nonagesimo quinto, regnorum nostrorum Hungariae et cetera anno quinto, Bohemiae vero vigesimo quarto.

Unter dem Text von der Kanzlei: Ad relationem reverendi domini Sigmundi episcopi Q[uinqueecclesiae], thesaurarii regiae maiestatis.

Auf der Rückseite zeitgleich: H De electione centum virorum in civitate Cibiensi.