Urkunde Nr. 521 aus Band I

Seite im UB:

473-474

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 29 121.

Druckvorlage:

nach Original

Abdruck als:

Volltext

Sprache:

Latein

---

521

1336 März 22 Das Weissenburger Kapitel bezeugt, dass Comes Nikolaus von Talmesch die Besitzungen Petersdorf und Rependorf seiner Frau Elisabeth abgetreten hat.

Capitulum ecclesiae Transsiluanae omnibus Christi fidelibus praesentem paginam inspecturis salutem in omnium salvatore. Ad universorum notitiam tam praesentium quam futurorum harum serie volumus pervenire, quod comes Nicolaus filius Corrardi de Tolmacch coram nobis constitutus dixit et proposuit atque confessus exstitit oraculo vivae vocis, quasdam possessiones suas Peturfolua et Ripafolua nuncupatas in sede Selk constitutas, et in concambium quarundam aliarum possessionum suarum hereditariarum Sile et Meduis vocatarum ad eum devolutas et translatas, ratione et nomine dotis ac rerum paraphernalium necnon pro dote et rebus paraphernalibus dominae Elizabeth consortis suae, filiae quondam Elley vicevaivodae de Turusco adhuc viventis eidem dominae Elizabet dedisse, tradidisse cum omni eo iure et dominio ac sub eisdem metis et terminis, cum quo et sub quibus aut cum quibus ipse tenuit, possedit et habuit, videlicet terris arabilibus, silvis. aquis, pratis. fenetis. piscinis et nemoribus ad easdem pertinentibus et pertinere debitis et consuetis praedictae dominae Elizabeth et per eam suis heredibus, si quos tam ab ipso quam ab alio in posterum habere contingeret, perpetuo et irrevocabiliter tenendas, possidendas pacifice quiete atque habendas, renunciando et cedendo omni iuri ac dominio, quod [S. 474] hactenus in eisdem possessionibus habuisset, vel habere potuisset in futurum, et ipsum ins ac dominium in eandem dominam et suos heredes, ut praemittitur, transferendo. In cuius rei memoriam perpetuamque firmitatem ad instantiam et petitionem comitis Nicolai praedicti praesentes nostras literas concessimus sigilli nostri pendentis munimine roboratas. Datum feria sexta proxima ante dominicam Ramispalmarum, anno domini M^o. C^o. C^o. C^o. tricesimo sexto. Dominico praeposito, Santo cantore, Thoma custode et magistro Nicolao archidiacono de Hunad decano ecclesiae nostrae existentibus.