Urkunde Nr. 527 aus Band I

Seite im UB:

479-480

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Druckvorlage:

nach Manuskript 19. Jahrhundert

Abdruck als:

Volltext

Sprache:

Latein

---

527

1336 August 24 Das Weissenburger Kapitel bezeugt, dass Martha, des Woiwoden Stephan Wittwe, ihren Besitz zu Monoszló an Michael de Leuka überlassen hat.

Nos capitulum Albensis ecclesiae beati Michaelis archangeli Transsylvaniensis signifieamus quibus expedit imiversis praesentium per tenorem, quod honesta domina Martha dicta, filia Henningii quondam de villa Petri, relicta utpote magnifici quondam domini Stephani vaivodae Transsylvaniensis, coram nobis personaliter constituta, astante lateri eins comite Petro de Mergendhal matruele suo fassa fuerit retuleritque eo modo, quod quamvis dominus quondam maritus suus tempore nuptiarum perhibentibus literis tunc per provinciales sedis Cibiniensis secundario nativa eorum lingua emanatis ac coram nobis in specie etiam productis et vivis invicem et aliqualem saltem recompensam illorum utensilium et clenodiorum in eisdem literis per specifica enumeratorum, quae ipsa domina Martha tunc adhuc sponsa in usum et ad sustentandum futuri dicti quondam domini sui subseque mariti vaivodatus honorem ac condecentem dignitatem aulae ac domui eius vaivodali adferre necessitabatur, sibi centum et septuaginta septem marcas puri argenti ponderis Budensis stipulasset inque securitatem summae isthuius [S. 480] bona sua Monozloiana in Hungariae regno sita obligasset. Ipsa tamen domina relicta omni videlicet prolium solatio orbata eandem summam omneque ius suum eatenus in dictis bonis habitum Michaeli de Leuka, affini utpote dicti domini quondam sui mariti eiusque posteris et heredibus universis cesserit, condonaverit et transfuderit, ea tamen sub cautela et eo modo, ut ipse quoque Michael de Leuka eiusque posteri et heredes res mobiles, equos et armenta, exceptis tamen clipeis, apud manus annotatae dominae relictae remansa, eidem in perpetuum cedant, condonent ac transfundant, nulluni super eisdem, exceptis tamen clipeis iam memoratis, sibi ipsis reservando ius superque eisdem liberam omnimodamque testandi legandique facultatem saepe dictae dominae Marthae concedant. In cuius rei memoriam perpetuamque firmitatem ad instantiam et petitionem praedictae dominae relictae praesentes literas nostras concessimus sigilli nostri pendentis munimine roboratas. Datum ipso die festi beati Bartholomei apostoli, anno domini millesimo trecentesimo trigesimo sexto. Dominico praeposito, Santo¹⁾ cantore, Thoma custode et magistro Nicolao archidiacono de Hunyad, decano ecclesiae nostrae salubriter et devote existentibus.


1) Vorlage: Saulo.^{^}