Urkunde Nr. 6012 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V (Inventar 27), Nr. 6.

Druckvorlage:

nach Original

Abdruck als:

Volltext

Sprache:

Latein

---

6012 *

Schässburg 1500 September 18 Bürgermeister, Richter und Rat der Stadt Schässburg bitten Bürgermeister, Richter und Rat der Stadt Hermannstadt, sich beim gerade eingetroffenen Moyses, magister curiae des Königs und dessen Sondergesandten zum Woiwoden der Moldau, wegen der August 20 beim Brand des Marktes Kokelburg erlittenen Schäden einzusetzen. Der Woiwode solle um Ersatz des Schadens ersucht werden, der für die Einwohner der Stadt Schässburg auf 1785 Gulden bewertet werde.

Prudentes circumspectique viri, domini nobis honorandi. Hiis exactis diebus nostri in medium adventatus egregius dominus Moyses magister curiae domini nostri regis et suae serenitatis nuntius specialis proficiscendo partes Moldaviae ex parte bonorum et rerum combustarum et vi ablatarum, quae in die beati Stephani regis¹⁾ in nundinis Kw^ekelwar praeteritis celebratis sunt per exustionem ignis consumata waywodae eiusdem terrae Moldaviensis propalando. Idem egregius Moyses nobis strictissime mandato regi praecipiendo mandavit, ut univeros incolas nostrae civitatis ratione dictorum bonorum et rerum combustarum et ablatarum, ut in praemissis convocari et congregari minime praetermittere deberemus. Mandatum regium obtemperare tenemur et unumquemque seorsum cum diligenti studio suam ad fidem Christianam examinavimus de suis rebus et bonis, in quibus damnificatus esset. Qui quidem incolae nostrae civitatis sub puritate suarum conscientiarum ad fidem Deo obligatam confessi sunt modum in hunc, qualiter in dictis nundinis per exustionem ignis et in aliis rebus ablatis inevitabile et irrecuperabile damnum percepissent, cum singula in unam summulam bene calculata redactis videlicet numero florenorum auri 1785. Sic quemadmodum aliis septem sedibus singula damna registrari praecepit et registrum damnorum intitulatorum in nundinis perceptorum suum postergium ad Barcza²⁾ transmitti debeat. Quare vestris supplicamus prudentiis praesentibus plurimum perattente quatenus in talibus irrecuperabilibus illatis damnis vigilare dignentur et nobis auxiliari pro recuperandis damnis illicitis nobis et nostratibus illatis, in eo nobis rem gratissimam exhibituri. Ex Segeswar proxima feria sexta ante festum beati Mathaei ewangelistae, anno domini 1500.

Magister civium, iudices et iurati cives civitatis Segeswariensis.

Auf der Rückseite Adresse: Prudentibus et circumspectis viris magistro civium, iudicibus et iuratis civibus civitatis Cibiniensis, dominis et amicis nobis honorandis.


1) August 20.^{^}
2) Über der Zeile nachgetragen.^{^}