Urkunde Nr. 5742 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Urkundensammlung [Colecţia de documente medievale], Serie U. V, Supplementa (Nova Collectio posterior) (Inventar 27), Nr. 1669.

Druckvorlage:

nach Original

Abdruck als:

Volltext

Sprache:

Latein

---

5742 *

Broos 1497 Februar 22 Richter und Geschworene von Broos übergeben Bürgermeister, Königsrichter und Geschworenen von Hermannstadt und den Richtern, Hannen und Geschworenen der Sieben Stühle Zeugenverhöre zum Rechtsstreit des Johann Aurifaber aus Hermannstadt, um die der Hermannstädter Bürgermeister Georg Hecht ersucht hatte.

Promptam voluntatem obsequendi summo cum honore honorabiles ac sagaces viri necnon domini nostri praeceptores semper colendi significamus praesenti nostro inscriptu vestris honorabilitis modo meliori quo potuimus, quomodo nobis loco et tempore solitis pro tribunali sedentibus venit nostri in medium providus Johannes Aurifaber Cibiniensis petivitque immo verius ex officio nos requivisit, quatenus subscriptos testes audire et de eorum fassionibus per vestra scripta sibi testimonium dare dignaremur. Iustis itaque ac legitimus petitionibus praefati Johannis inclinati infrascriptos testes singulos ad eorum conscientias interrogatos audivimus, qui fassi sunt in hunc modum: Mathias [Ma]gnus,¹⁾ Johannes Nemeth et Johannes Arcufex fassi sunt, quomodo certis superioribus temporibus currus honerati cum m[ercibus]²⁾ condam Georgii Chukas Cibiniensis per Zazwaras descendissent et condam Andreas Talmar de eadem eos videns dixisset [ . . . ]³⁾ obiurgativis seu vitupiosis: quid est Georgius Chukas, ego vellem mihi etiam tales currus cum tantis mercibus [ . . . . . . . . . ]⁴⁾ adhuc nemini quidquam vellem obligari, sed ego volo potius esse in quiete et volo merces meas ponere super equum unde [ . . ]⁵⁾ praenominati Mathias Magnus, Johannes Nemeth et Stephanus Johos fassi sunt: [ . . . ]⁶⁾ mentio facta fuisset a quibusdam ex interemtione Thome Zaz, quomodo nominatus Andreas dixisset, assitis mihi tantum in colorem et formam ego possum pro huiusmodi duobus [ . . . . . . ]⁷⁾ persolvere; item uxor supradicti Mathiae Magni sic fassa est: tempore dum ipsa circa praefatum Andream in vicinato habitasset una [ . . . . . ]⁸⁾ filia eiusdem Andreae flebilius oculis et cruento capite ad uxorem praefati Mathiae venisset ipsa N. Clara [ . . . . . . . . . . . . . ] ⁹⁾ obeisset, Clara dixisset, vide quomodo teneor a parentibus meis genitrix mea in sua ira taliter caput meum et quia me taliter tenent omnibus volo revelare quod mihi ex bonis Johannis Bugner saltant, cum autem uxor Mathiae praefati interrogasset Claram, quid vidisset, ipsa respondisset: ego vidi unam magnam stellam vel circulum aureum et unam magnam portionem etiam auri in quantitate magni disci. Ultimus praefata uxor N. fassa est, quod ipsa ex certo sub negotio visitasset domum ipsius Andreae Talmar et ex inprovisio intrasset stubam eiusdem et ambo Andreas videlicet et uxor eius habuissent pecuniam splendentem super rotundam mensam tota cum pecunia tecta et pecunia vix potuit super mensa contineri ipsique hanc pecuniam numerassent, dum autem praefati Andreas et uxor eius ipsam contoralem Mathiae vidissent terrefacti eam post tergum e domo movissent ianuaeque domus seram apposuissent. In cuius testimonium praesentes literas nostras sigillo nostro signatas duximus concedendas. Ex Zazvaros feria quarta proxima post dominicam Reminiscere, anno salutis millesimo quadringentesimo nonagesimo septimo.

Iudices iuratique cives opidi Zazwaros.

Auf der Rückseite Adresse: Honorabilibus ac sagacibus viris magistro civium, iudici regio iuratisque consulibus civitatis Cibiniensis necnon iudicibus, villicis iuratisque civibus septem sedium Saxonicalium dominis ac praeceptoribus nostris semper metuendis.


1) Lücke 0,7 cm.^{^}
2) Lücke 1,5 cm.^{^}
3) Lücke 0,5 cm.^{^}
4) Lücke 0,7 cm.^{^}
5) Lücke 0,8 cm.^{^}
6) Lücke 1,3 cm.^{^}
7) Lücke 1,3 cm.^{^}
8) Lücke 1,5 cm.^{^}
9) Lücke 1,2 cm.^{^}