Urkunde Nr. 5825 * aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 257.

Druckvorlage:

nach Original

Abdruck als:

Volltext

Sprache:

Latein

---

5825 *

Ofen 1498 Januar 1 König Wladislaw II. verpfändet eingedenk der von Richtern, Rat, Bürgern und Einwohnern der Stadt Kronstadt oft beklagten Streitigkeiten mit den dortigen Amtleuten und Kastellanen die bislang dem Woiwoden gehörende Törzburg mit allem Zubehör auf zehn Jahre gegen 1000 Gulden. Das Pfand kann nach Ablauf der zehn Jahren gegen Rückgabe der Pfandsumme ausgelöst werden. Unterbleibt die Auslösung, verbleibt die Burg auf ewige Zeiten der Stadt Kronstadt mit der Verpflichtung, sie auf eigene Kosten zu bewachen und zu befestigen.

Nos Wladislaus dei gratia rex Hungariae et Bohemiae et cetera. Memoriae commendamus tenore praesentium significantes, quibus expedit universis, quod cum fideles nostri prudentes et circumspecti iudex et iurati ceterique universi cives et inhabitatores civitatis nostrae Brassoviensis saepenumero varias querelas contra et adversus castellanos castri nostri Therch vocati in partibus nostris Transilvaniae habiti super eo coram nobis deposuerint, qualiter videlicet iidem officiales et castellani eosdem cives atque etiam pertinentias eiusdem civitatis nostrae multis et diversis oppresionibus ac perturbationibus afficierent ipsisque incredibila damna ac impedimenta sine intermissione inferrent, ita, quod nisi in tempore provideremus tam civitas ipsa quam etiam universae eiusdem pertinentiae in brevi usque ad extremum desolarentur nec ulterius aliquo pacto tantas oppressiones ferre et tollerare possent supplicassentque maiestati nostrae, ut ipsis tot et tantis iniuriis ac damnis oppressis aliquando subvenire et ipsos a tanta oppressione liberare ac quieti simul etiam commodo et incremento eiusdem civitatis nostrae pertinentiarumque suarum consulere dignaremur. Nos itaque volentes commoditati ac transquillitati dictorum civium nostrorum prout ex debito nostri regiminis officio tenemur consulere talesque ac tantas oppressiones et impedimenta a cervibus eorum penitus removere praefatum castrum nostrum Therch, quod hactenus semper waywodae nostri illarum partium Transilvanarum tenere consueverunt, simul cum eiusdem universis pertinentiis et utilitatibus praefatae civitati nostrae Brassoviensi perpetuo duximus dandum et annectendum, ita tali conditione quod si post expirationem decem annorum aliqua nobis esset praedicti castri necessitas et illud ab eis auferre voluerimus seu successores nostri reges voluerint, extunc eisdem civibus nostris mille florenos, quos ipsi nunc nobis ad certas necessitates nostras teneantur, et praefati cives rehabitis huiusmodi mille florenis nobis seu successoribus nostris in tali casu post illos decem annos, non tamen prius praefatum castrum reddere teneantur. Si vero post dictos decem annos castrum ipsum habere et recipere ab eis noluerimus, ac tanta nobis seu successoribus nostris non esset necessitas, tunc perpetuo, ut praemisimus, ad praefatam civitatem nostram maneat, nos quoque ac successores nostri reges eosdem in domino eiusdem castri pacifice conservare teneamur. Hoc tamen adiecto, quod iidem cives ipsum castrum fideliter semper propriis sumptibus et expensis eorum custodiri ac meliori modo, quo fieri poterit, muniri et fortificari etiam faciant. Immo damus et annectimus harum nostrarum, quibus secretum sigillum nostrum, quo ut rex Hungariae utimur, est appensum, vigore et testimonio literarum mediante. Datum Budae in festo circumcisionis domini, anno eiusdem millesimo quadringentesimo nonagesimo octavo, regnorum nostrorum Hungariae et cetera anno octavo, Bohemiae vero vigesimo septimo.


a) Unten »Abb. der Urkunde König Wladislaws II.^{^}

Abb.