Urkunde Nr. 5829 aus Band VIII
- Heute in:
- Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]
- Heutige Signatur:
- Fond 1: Stadt Kronstadt [Primaria Municipiului Braşov], Privilegiensammlung (Colecţia privilegii) Nr. 261.
- Druckvorlage:
- nach Original
- Abdruck als:
- Volltext
- Sprache:
- Latein
5829
Ofen 1498 Dezember 4 König Wladislaw II. bestätigt Richter, Rat, Bürgerschaft und sonstigen Einwohnern der Stadt Kronstadt, dass er von ihnen weitere 2000 Gulden erhalten hat und damit die Pfandsumme der an die Stadt Kronstadt auf zehn Jahre verpfändeten Törzburg auf 3000 Gulden erhöht. Orig. Perg. Staatsarch. Kronstadt, Priv. 261. Siegel, rund, in rotes Wachs, papierbedeckt, unter dem Text aufgedrückt.
Druck: Zur Rechtslage d. ehemaligen Törzburger Dominiums (
») 4-5 Nr. IV. Rechtslage d. ehemaligen Törzburger Dominiums (
») 6-7 Anhang IV.
Nos Wladislaus dei gratia rex Hungariae et Bohemiae et cetera. Memoriae commendamus tenore praesentium significantes, quibus expedit universis, quod cum fideles nostri prudentes et circumspecti iudex et iurati ceterique universi cives et inhabitatores civitatis nostrae Brassoviensis saepenumero varias querelas contra et adversus castellanos castri nostri Therch vocati in partibus nostri Transilvanis habiti, super eo coram nobis deposuerint, qualiter videlicet iidem officiales et castellani eosdem cives atque etiam pertinentias eiusdem civitatis nostrae multis et diversis oppressionibus et perturbationibus afficerent ipsique incredibila damna ac impedimenta sine intermissione inferrent, ita, quod misi in tempore provideremus, tam civitas ipsa, quam etiam universae eiusdem pertinentiae in brevi usque ad extremum desolarentur, nec ulterius aliquo pacto tantas oppressiones ferre et tollerare possent supplicassentque maiestati nostrae, ut ipsis tot et tantis iniuriis ac damnis oppressis aliquando subvenire et ipsos a tanta oppressione liberare ac quieti simul etiam commodo et incremento eiusdem civitatis nostrae pertinentiarumque suarum consulere digneremur. Nos volentes commoditati ac tranquillitati dictorum civum nostrorum, prout ex debito nostri regiminis officio tenemur, consulere talesque et tantas oppressiones et impedimenta a cervicibus eorum penitus removere praefatum castrum nostrum Therch, quod hactnus semper waywodae nostri illarum partium Transilvanarum tenere consueverunt, simul cum eiusdem universis pertinentiis et utilitatibus praefatae civitati nostrae Brassoviensi tali conditione duximus dandum, ut ipsi cives nostri praedictum castrum Therch cum universis suis pertinentiis infra decem annos apud manus ipsorum libere teneant, et dum nos aut successores nostri reges post expirationem eiusmodi decem annorum praedictum castrum ab ipsis civibus rehabere voluerint, ex tunc ante omnis nos aut iidem successores nostri dictis civibus et civitati nostrae Brassoviensi illa tria millia florenorum, quae iidem nobis ad certas necessitates nostras impraesentiarum mutuaverunt et quae nos ab eisdem levavimus, plenarie reddere et persolvere teneamur et ipsi successores nostri teneantur, hoc tamen specialiter adiecto, quod iidem cives ipsum castrum fideliter semper propriis sumptibus et expensis eorum ab omni periculo custodiri ac meliori modo, quo fieri poterit muniri et fortificari etiam faciant. Immo damus et annectimus harum nostrarum, quibus secretum sigillum nostrum, quo ut rex Hungariae utimur, est impressum, vigore et testimonio literarum mediante. Datum Budae in festo beatae Barbarae virginis et martyris, anno domini millesimo quadringentesimo nonagesimo octavo, regnorum nostrorum Hungariae et cetera anno nono, Bohemiae vero vigesimo nono.
Unter dem Text: Wladislaus rex manu propria.
.