Urkunde Nr. 6049 * aus Band VIII

Heute in:

Kronstadt, Staatsarchiv [Direcţia Judeţeană Braşov a Arhivele Naţionale ale Romȃniei]

Heutige Signatur:

Fond 1: Stadt Kronstadt [Primaria Municipiului Braşov], Sammlung Fronius I (Inv. 15a), Nr. 83 (alt Nr. 84).

Druckvorlage:

nach Original

Abdruck als:

Volltext

Sprache:

Latein

---

6049 *

Gurghiu 1500 März 17 Der siebenbürgische Woiwode Peter von Sankt Georgen und Bösing befiehlt dem Rat von Kronstadt, nach Übernahme des Dominiums Törzburg die Salzlieferungen für die Szekler zu restituieren. Sie verwalten lediglich die Zubehördörfer des Dominiums namens der königlichen Kasse, was sie nicht zur Schmälerung der Einkünfte des Königs berechtige, ebensowenig seiner und seiner Nachfolger im Amt des Szeklergrafen.

Prudentes ac circumspecti viri amici nobis dilecti contenta vestrarum literarum per omnia intelleximus, vbi primum nobis ex parte pertinentiarum castri Therch, ut praesentem contributionem eisdem relaxaremus, scitote, et regia maiestas in regno isto plura habet castra, in quorum pertinentiis ipsam contributionem absque omni remissione exigi fecimus, Ignoramus enim quarum rerum gratia pertinentia castri Therch eximi deberet, ideo dietim et sine crastinatione pecunias ipsas contributionales administrari faciatis quoniam per omnia remedia rehabere volumus. Tandem vero paria literarum nobis missarum ex parte quarundam villarum, quas ad quandam ecclesiam spectare dicitis, similiter intelleximus, que iudicio nostro inordinate emanate sunt. Quod si a moderno domino nostro rege alias et meliores literas non habueritis, minime illas obseruabimus et si decetero nobis super aliqua exemptione literas regias mittere volueritis, non paria earum, sed easdem in specie transmittatis, quoniam paribus addicio vel diminutio fieri potest, pro eo et de eisdem villis taxam regiam administretis, ne aures eorem obtusas dampnum et periculum aperiat, ceterum sales illas officio nostro comitis Siculorum spectantes, quas et regia maiestas remittere vobis conmisit, remitatis, quia non vos, sed nos comes sumus Siculorum nec etiam hucusque in officio nostro socii eritis nostri, vobiscum et prouentus participabimus nostros, quoniam si amplius rennuencia aliqua per vos in hac parte obseruabitur. Hoc vobis harum serie dicimus, ut occupatio prouentus nostri adeo vos tediabit, ut memores nostri eritis per longa tempora, ideo hominibus nostris remittatis, ne maior contra vos oriatur stimulus. Secus non facturi. Ex Gergen feria tertia proxima post dominicam Reminiscere, anno domini millesimo quingentesimo.

Petrus comes de Sancto Georgio et de Boziin
waywoda Transsiluanus et comes Siculorum et cetera.

Auf der Rückseite Adresse: Prudentibus ac circumspectis iudici iuratisque ciuibus ciuitatis Brassouiensis, amicis nobis sincere dilectis.