Urkunde Nr. 555 aus Band I

Seite im UB:

505-506 ^a)

Heute in:

Klausenburg, Bibliothek der Akademie [Biblioteca Academiei Române, Filiala Cluj-Napoca]

Heutige Signatur:

Familienarchiv Wass, Czege [Wass csalad].

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

555

Kolozsmonostor 1340 Mai 1^b) Petrus, Vizewoiwode von Siebenbürgen, vertagt die Verhandlung betreffend die Besitzungen Szentgothard, Czege, Szászszilvás und Szentivan.

Nos Petrus vicevaivoda Transsiluanus damus pro memoria, quod cum in congregatione nostra generali universitatis nobilium de Zonuk, Doboka et de Cuhis comitatuum in octavis festi omnium sanctorum ¹⁾ in Bonchhyda celebrata magistri Nicolaus et Ladislaus dicti Wos iuniores pro se personaliter, pro Johanne vero dicto Acheel, Laurencio, Petro, Thoma, Michaele et Deseu fratribus ipsorum cum procuratoriis literis capituli ecclesiae Transsiluanae consurgentes proposuissent, quod ipsi una cum comite Nicolao dicto Wos seniore in omnibus possessionibus ipsorum hereditariis, acquisititiis et emptitiis inter ipsos divisionem perpetuam habere niterentur, divisione legali et aequali inter ipsos sortiendo. Quo percepto quia dictus comes Nicolaus Wos senior personaliter consurgendo in possessionibus ipsorum hereditariis divisionem cum eisdem fratribus suis se velle habere, sed in possessionibus acquisititiis et emptitiis se nolle facere allegavit dicendo, quod ipse super eisdem acquisititiis et emptitiis possessionibus instrumenta haberet, ad exhibendum eadem instrumenta ipsam causam ad octavas festi beati Georgii martyris tunc proxime subsequentes ²⁾ prorogassemus ad locum Colusmonustra nominatum. Tandem ipso termino occurrente, praedicto comite Nicolao personaliter et dictis Nicolao et Ladislao dictis Wos pro se personaliter, pro Johanne vero Acheel dicto, Petro Rufo, Laurencio, Thoma et Deseu fratribus ipsorum, praedicto Michaele interim defuncto, cum procuratoriis literis capituli Nyttriensis ecclesiae coram nobis in Monustur comparentibus saepe dictus comes Nicolaus senior Wos nominatus exhibuit nobis literas serenissimi [S. 506] principis domini Karoli dei gratia illustris regis Hungariae, sub authentico et anulari eiusdem sigillis consignatas dominico die proximo post festum epiphaniae domini, contigue post festum omnium sanctorum praemissum subsequentem ¹⁾ in anno domini M^o CCC^mo XXXX^mo emanatas, in quibus comperimus contineri, quod saepe dictus dominus rex nos ab imponendo iudicio super acquisititiis possessionibus ipsius comitis Nicolai senioris Zenthgothharth, Chege, Zylwas et Zenthywan vocatis sua regali potentia mediante prohibuit et interdixit. Quia autem saepe dictus comes Nicolaus super possessionibus emptitiis intrumenta prout assumpserat exhibere nequivit, in iudicio trium marcarum eundem decrevimus fore convictum committendo, quod in emptitiis et hereditariis possessionibus suis cum praedictis fratribus suis in termino ad hoc deputato per alias literas nostras divisionem perpetuam facere teneatur. Unde nos praedictam causam super praenominatis possessionibus Zenthgutharth, Cege, Zyluas et Zenthywan vocatis modo praemisso distulimus, contra regium praeceptum nullatenus iudicare praesumendo. Datum in eadem Culusmonustra, in praedictis octavis festi beati Georgii martyris, anno supra dicto.

Auf der Rückseite: Pro comite Nicolao dicto Wos seniore contra Nicolaum similiter Wos dictum iuniorem et alios fratres suos intra scriptos super facto possessionum Zenthgothharth, Cege, Zylwas et Zenthywan vocatarum ²⁾ memorialis^c).


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 505, 1-2 auf S. 506.^{^}
b) Nach Dinca -- Kovács, Ergänzungen 149 umdatiert statt: 1340 April 30.^{^}
c) Nachtrag UB I 620 statt memoralis.^{^}
[S. 505]
1) 1339 November 8. ^{^}
2) 1340 Mai 1. ^{^}
[S. 506]
1) 1340 Januar 9.^{^}
2) Vorlage: vocatis.^{^}