Urkunde Nr. 5262 * aus Band VIII

Heute in:

Hermannstadt, Staatsarchiv [Direcţia Judeţeană Sibiu a Arhivelor Naţionale ale Romȃniei]

Heutige Signatur:

Mss. Varia II 45 (Haner, Nota Bene), Vol. III, pag. 329-330.

Druckvorlage:

nach Abschrift

Abdruck als:

Volltext

Sprache:

Latein

---

5262 *

1492 November 6 Blasius, Pleban in Reichesdorf und Dechant des Mediascher Kapitels, sowie die übrigen Pfarrer dieses Kapitels beurkunden den Vergleich zwischen dem Meschener Pfarrer Johann und dem Mediascher Pfarrer Stephan um den Zehnt der erloschenen Pfarrei St. Nikolaus in Furkeschdorf, wie er 1492 August 12 von dem Scharoscher Pfarrer Johann und dem Nimescher Pfarrer Valentin, ihren Kapitelsbrüdern, gemeinsam mit Hannen und genannten Einwohnern von Mediasch und Meschen als Schlichtern mit Spezialvollmacht der Archidiakone von Thorenburg, Eisenmarkt und Telegd als bischöflichen und domkapitularischen Kommissaren vereinbart wurde: Der Zehnt von allen Früchten wird künftig zu gleichen Teilen zwischen beiden Parteien geteilt. Der Mediascher Pleban zahlt jährlich 4 Vierdung, der Meschener 3 Vierdung an das Domkapitel. Dem Mediascher Pleban obliegt die Verwaltung der Furkeschdorfer Kirche in spiritualibus et temporalibus, einschließlich der Kirchenfabrik zum Erhalt der Kirchhofmauer gemäß der dazu ergangenen Briefe des Domkapitels unter Aufsicht des Dechanten. Dafür erhält der Mediascher Pleban die Nutzung aller auf Mediascher Gebiet liegender Äcker der Furkeschdorfer Kirche. Die nun auf Meschener Gebiet liegenden Äcker erhält die Meschener Kirche, wofür der dortige Pleban Messen für das Seelenheil der Furkeschdorfer lesen wird. Alle Abgaben an das Mediascher Kapitel haben die beiden Plebane zu gleichen Teilen zu tragen. Zuwiderhandelnde zahlen 24 Mark Silber; diese fallen zur Hälfte an den Bischof, zur Hälfte an die Schiedsrichter, nach deren Tod an das Mediascher Kapitel.

Nos Blasius plebanus in Rychvino decanus Medgyensis¹⁾ ceterique ecclesiarum rectores decanatus eiusdem ad universorum notitiam tam praesentium quam futurorum, quorum interest, intererit sive interesse poterit, quomodolibet in futurum harum serie volumus pervenire, quod anno ab incarnatione nostri salvatoris millesimo quadringentesimo nonagesimo secundo, die solis proximo post festum preciosissimi martyris beati Laurentii in ecclesia divi pontificis beati Nicolai in facie territorii Farkasthelke vocati, iurisdictionis Albensis Transsilvanae fundata, honorabilibus Johanne de Saros et Valentino de Nymsch plebanis nostris confratribus ac circumspectis et providis viris Martino Fabro villico, Mathia Laacz iudice, Mathia Rewel, Johanne Deack ac altero Johanne Flezer civibus oppidi Meggyes, item Jacobo comite²⁾, Georgio Helych³⁾ villico, Simone Nicolai, Egidio Berwarth et Casper Thys senioribus de Muschna in causa et causis mota et ventilatis inter honorabiles Johannem de eadem Muschna et Stephanum de dictu Meggyes ecclesiarum plebanos ratione et praetextu decimarum antedicti territorii Farkasthelke et illarum occasione nominibus et in personis nostris tanquam arbitratoribus et amicabilibus compositoribus per utramque partem concorditer electis ibidem praesentibus ex speciali commissione venerabilium dominorum Matthaei Thordensis,⁴⁾ Michaelis Hwnyadiensis et Johannis de Thylegd archidiaconorum ecclesiae Albensis Transsylvanae commissariorium reverendissimi domini Ladislai episcopi ac almi capituli ecclesiae eiusdem comparentibus tandem coram nobis recognoverunt, quomodo divino auxilio invocato, sine quo nullum rite fundatur exordium, post diligentem, longam et accuratam eorundem desudationem visis, ruminatis, recensitis et intellectiis universis et singulis meritum huiusmodi causae ac arbitrarii contractus et amicabilis cmpositionis respicientibus necnon in viam pacis, unionis, concordiae et tranquilitatis perpetuae ac amicitiae foedus venientibus arbitrarium contractum firmassent et ordinassent in modum, qui sequitur.
Primo, quod decimae ipsius territorii plene et per omnibus perpetuis temporibus praesentibus et futuris sicuti territorium divisum et partitum am in vinetis quam agris arabilibus, montibus, vallibus, silvis et fenetis et cetera auctoritate regia exstitit ad oppidum Meggyes et Muschna pro eorum ecclesiis similiter et sub eadem differentia sine omni difficultate cedere debenant et teneantur, pro quarum redemptione praefati plebani suum annuum censum videlicet plebanus de Muschna quatuor fertones et plebanus de Meggyes tres similiter fertones argenti fini, pleni et iusti ponderis cum consuetis expensis annuatim ecclesiae Albensi solvere sint adstricti.
Secundo, quod ipsa ecclesia beati Nicolai pontificis in territorio ipso Farkasthelke fundata praesentibus et futuris temporibus per plebanum Meggyensem in spiritualibus et temporalibus, item fabricae pro conservatione necnon cimiterii circumvallione secundum tenorem et continentiam literarum venerabilis capituli Albensis debet habere diligentem et indilatam provisionem, ad cuius executionem decanus pro tempore cum suis fratribus superattendens existat deputatus.
Tertio, quod plebanus Meggyensis pro huiusmodi fabricae sustentatione affictum agrorum universorum ecclesiae ipsius beati Nicolai in territorio Meggyensi existentem et quotannis provenire detentem plene et integre perpetuis temporibus percipere debeat sine defectu. Affictum vero agrorum eiusdem ecclesiae ex territorio Muschnensi provenientem ecclesiae beatae Mariae virginis in ipsa Muschna parochiali fundata duxissent annectendum, ut plebanus pro tempore constitutus pro eodem in obsequiis spiritualibus sine divini cultus officiis ac animarum refrigerio satisfactionem impendant competentem, super quo conscientiam talis plebani onerassent.
Quarto, quod in aliis taxis, item etiam iuribus vel contributionibus decanatus legitimis ipsam ecclesiam tangentibus partem directe mediam eorum quolibet solvere teneatur.
Ad quae omnia et eorum universa stipulata manu inviolabiliter perpetuo observanda memorati plebani Johannes de Muschna et Stephanus de Meggyes se in suis personis eorumque successores sub poena viginti quatuor marcarum argenti obligassent spontanea voluntate, quarum media pars antefato domino reverendissimo Ladislao episcopo aut tunc tempore constituto, reliqua autem ipsis arbitratoribus, si qui in humanis superessent, alioquin decano pro tempore constituto decanatus Meggyensis et suis fratribus cedere debeant et provenire.
Litteras etiam universas, munimenta, signaturas ac qucunque nominis vocabulo censeri possint elementa et scripta ipsam causam concernentia et in eadem emanata coram quocunque princie, saeculari vel spirituali capitulo seu iudice in signum perpetuae invalidationis in proxima et viciniore tunc celebranda nostri decanatus fraternitate traque pars coram nobis deponere teneatur sub poena praemissa. Praesentibus ibidem discretis ac circumspectis providisque viris Johanne de Bosna, filio Nicolai Theyl in Muschna et Martino de Valthid⁵⁾, filio Marci Hener in Rychvino presbyteris capellanis, Andrea Fleps de eadem Rychvino necnon Martino Hen de Birthalom⁶⁾, aliis testibus quam plurimis fide dignis. Super quibus omnibus et singulis ob ulteriorem cautelam et firmitatem perpetuam ipsi plebani et eorum patroni videlicet cives Meggyenses et Muschnenses nobis debita cum instantia supplicatorum porrigentes, quatenus eisdem et eorum cuilibet literas nostras sigilli nostri decanatus authentici munimine roboratas concedere dignaremur. Quorum supplicationem tanquam iustam debitam iuri et rationi consonam attendentes praesentes nostras literas dicti sigilli appensione roboratas et consignatas in firmitatem, fidem et memoriam perpetuam omnium praemissorum eisdem duximus concedendas. Datum feria tertia proxima post festum omnium sanctorum, anno domini millesimo quadringentesimo nonagesimo secundo.


1) Theil und Teutsch: Meggyes.^{^}
2) Haner erläutert am Rand: Comes stilo veteri se ac iudicem.^{^}
3) Theil: Helich.^{^}
4) Theil: Tordensis.^{^}
5) Theil und Teutsch: Walthyd.^{^}
6) Theil: Byrthalom, Teutsch: Byrthalem.^{^}