Urkunde Nr. 5161 * aus Band VIII

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539), DM 25.

Druckvorlage:

nach Einschaltung (Insert)

Abdruck als:

Volltext

Sprache:

Latein

---

5161 *

Kaschau 1491 März 8 Der siebenbürgische Woiwode Stephan Báthori fordert den Schässburger Rat zur Zahlung der jährlichen 12 Gulden auf, die dem Generalvorsteher aller Hospitäler des Hl. Antonius in Ungarn, Albert, wegen des Schässburger Hospitals gemäß dem 1487 Nr. »4697 geschlossenen Vergleich zugesagt, aber seit zwei Jahren nicht mehr gezahlt wurden.

Comes Stephanus de Bathor vaywoda Transsiluanus et cetera prudentibus et circumspectis viris magistro ciuium, iudici iuratisque et ceteris civibus civitatis Segeswariensis salutem et amicitiam paratam. Expositum est nobis per venerabilem et religiosum virum dominum Albertum praeceptorum domorum sancti Augustini per regnum Hungariae generalem, quomodo iuxta continentiam aliarum litterarum nostrarum compositionalium inter praefatum Albertum praeceptorum eiusque successoribus rector sew praeceptor domus hospitalis sancti Anthonii de ecclesia in suburbio vestre ciuitatis praefate fundata singulis annis pro pensione sew censu annuali ad festum natalis domini (prout etiam alias mos fuit) duodecim florenos auri persoluere et dare teneretur prout et nunc de facto tenetur. Quasquidem pensiones sew census annuales vos dicto Alberto praeceptori suisque successoribus ad terminum praedictum singulis annis ad domum ipsius praeceptorialem in Drawtz in districtu Sepusiensi fundatam transmittere et deferri facere coram nobis obligassetis, ymo obligastis, nescitur tamen quibus moti respectibus huiusmodi pensiones sew annuales census eidem Alberto praeceptori praesertim infra duos annos proxime elapsos transmittere neglexissetis neque deferri facere curassetis in preiudicium et dampnum ecclesie praeceptorialis et ipsius praeceptoris praefati non modicum. Quia vero nos praefatam compositionem coram nobis (ut praemittitur) factam iustam arbitrantes irritam et friuolam habere nolentes dictamque praeceptoriam ac ipsum Albertum praeceptorem in suis iuribus conseruare et manutenere volentes, eam ob rem vestras amicitias praesentibus requirimus rogamusque diligenter et nichilominus eisdem committimus, ut praefatas pensiones sew census annuales de dicta ecclesia sew hospitali sancti Anthonii per rectorem sew praeceptorem eiusdem ratione rectoratus annuatim solui debentes saepefato Alberto praeceptori iuxta compositionem prius factam tenoremque literarum nostrarum superinde emanatarum transmittere et deferri facere. Eundemque de iam neglectis quam etiam futuris pensionibus absque difficultate aliquali et renitencia contentum reddere velitis debeatis et teneamini. Secus non facturi. Praesentibus perlectis exhibenti restitutis. Datum Caschouie feria tertia proxime post dominicam Occuli, anno domini millesimo quadringentesimo nonagesimo primo.