Urkunde Nr. 5162 * aus Band VIII

Heute in:

Neumarkt am Mieresch, Staatsarchiv [Direcţia Judeţeană Mureş a Arhivelor Naţionale ale Romȃniei, Târgu Mureș]

Heutige Signatur:

Pfarrarchiv Schässburg [Parohia evanghelică CA Sighişoara] (Inventar 539)

Druckvorlage:

nach Original

Abdruck als:

Volltext

Sprache:

Latein

---

5162 *

Schässburg 1491 Juni 6 Bürgermeister Michael Polnar, Königs- und Landrichter und der Rat der Stadt Schässburg bestätigen gemeinsam mit dem Stadtpfarrer und Kisder Dechanten Clemens und dem Kirchenvater der Nikolauskirche die Urkunde des Schässburger Rates von 1438 Nr. »2315 über die Stiftung von Besitzanteilen in Wolkendorf an die Schässburger Nikolauskirche durch Katharina, Witwe des Ägidius Parvus, und die von Katharina getroffene Festsetzung von Rechten und Pflichten der dortigen Jobagionen.

Nos Michael Polnar magister civium, Valentinus Pictor regius, Stephanus Kramp terrestris iudices, Petrus Rosznar, Paulus Meyszam villicus, Caspar Kadar, Franciscus Bolmasch, Georgius Hening, Valentinus Pellifex, Johannes Knochenhewer, Mathias Pictor, Mathias Kwre, Johannes Elphan, Nicolaus Hede, Georgius Barenkwttner et Mathias Kadar iurati cives civitatis Segeszwariensis memoriae commendamus tenore praesentium significantes quibus expedit universis, quod nostri venientes in praesentiam venerabilis dominus Clemens plebanus ecclesie decanatusque Kysd decanus una cum circumspecto viro domino Nicolao Lewsch vitrico ecclesiae parrochialis beati Nicolai de eadem Segeszwar, qui pro honore et comodo ipsius ecclesiae et conservatione simul et tuicione iobagionum ipsius beatissimi patris Nicolai de Wolkan praesentantes nobis quasdam literas privilegiales pro vtilitate prenominate ecclesiae pariter et tuitione praenominatorum iobagionum sonantes sigillo mayore nostrae ciuitatis consignatas, petentes nos debita cum instancia, vt ipsas de verbo ad verbum transcribe et in formam privilegii ipsius ecclesiae redigi facere et confirmare non dedignaremur ad cautelam. Quarum tenor talis est: (Folgt die Urkunde des Schässburger Rates von 1438 Nr. »2315.) Nos itaque iustis modestisque supplicationibus praedictorum dominorum Clementis nostri plebani et Nicolai Lewsch vitrici praedictae ecclesiae beati Nicolai patroni nostri visis literis et sane perlectis sigillis nostrae vrbis emanates et penitus in nullo suspectis. Eadem re nos etiam ad omnia comoda documenta atque profecta illorum iobagionum beati Nicolai respicientes, considerantes vt plurimum inopias, paupertas et cum strictu ferme territorii pecorum ipsorum in alienis locis et territoriis comparando querere pascua et alias quam plurimas oppresiones. Ideo ad perpetue rei memoriam ex mature consilio superinde prehabito decreveramus eaque ab antiquis nostris praedecessoribus confirmata existent eorundemque facta, vt in praemissis nolentes infringere, sed amplius et magis approbare ob meritorum gratia beatissimi patris Nicolai praemium in aeterna retributione recepturi eosdem iobagiones cum amplioribus praerogativis volentes providere ab universis et singulis Daciis et cuiusvis censibus tam ordinariis quam extraordinariis exemptos et supportatos habere volentes, exemimus per presentium nostrarum literarum vigorem et supportamus, et nullus futurorum officialium tam spiritualium quam saecularium decreta nostra infringere attentare aut violare quouis modo sub bona fide et consciencia anime queat. Praesentas literas nostras privilegiales cum omnibus articulis et ipsorum clausulis approbavimus, ratificamus, immo praesentium per vigorem ratificamus, approbamus et confirmamus easdem literis praesentibus inserimus de verbo ad verbum transumendo et in perpetuum nemine contradicente valituris harum nostrarum literarum sigillo nostro maiori sub appensione consignatorum vigore et testimonio mediante. Datum in eadem Segeszwar supramemorata feria secunda proxima infra octawas Corporis Christi, anno domini MCCCCLXXXXI.