Urkunde Nr. 5163 * aus Band VIII

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

5163 *

1491 Juni 10 Der Konvent von Kolozsmonostor schaltet auf Ersuchen des Magisters Markus Polner, Doktor beider Rechte und Pfarrer von Schas, die Urkunde Sigmunds, Bischofs von Fünfkirchen, von 1487 Nr. »4689 über die Verleihung des Rektorats der Andreaskapelle in Fünfkirchen an Marcus Polner ein.

Nos conventus monasterii beatae Mariae virginis de Colosmonostra memoriae commendamus tenore praesentium significantes quibus expedit universis, quod venerabilis et egregius magister Marcus Polnar artium et legum doctor ac plebanus de Segesd et cetera nostram veniens in praesentiam exhibuit et praesentavit nobis quasdam literas reverendi in Christo patris et domini domini Sigismundi dei et apostolicae sedis gratia episcopi ecclesiae Quinqueecclesiensis patenter emanatas, in quarum margine inferiori tales sunt literae scriptae: Sigismundus Quinqueecclesiensis manu propria¹⁾ sigilloque suo annulari, quo utitur ab intra consignatas tenoris infrascripti petens nos debita cum instantia, ut easdem de verbo ad verbum transcribi et transumpni faceremus transcriptumque et transumptum earundem sub nostro sigillo eidem dare et concedere dignaremur iuris sui uberiorem ad cautelam. Quarum tenor is est: (Folgt die Urkunde des Bischofs Sigmund von 1487 Nr. »4689). Nos igitur petitionibus praefati magistri Marci Polnar per eundem modo quo supra, nobis porrectis, uti iustis et legitimis annuentes, praescriptas literas modo praemisso nobis exhibitas, non abrasas, non cancellatas nec in aliqua sui parte vitiatas aut suspectas de verbo ad verbum sine diminutione et augmento aliquali praesentibus literas nostris inseri faciendo transscriptumque et transumptum earundem sub nostro sigillo eidem magistro Marco Polnar duximus concedendum praemissam ad cautelam. Datum feria sexta proxima ante festum beati Barnabae apostoli, anno domini millesimo quadringentesimo nonagesimo primo.


1) Vorlage: S. Q. m. ppa.^{^}