Urkunde Nr. 5755 * aus Band VIII

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

5755 *

Pest 1497 November 11 Johannes Episcopus, Professor der Theologie und Provinzial der Dominikanerprovinz Ungarn, beschreibt nach Beschluss des in Pest abgehaltenen Provinzialkapitels den siebenbürgischen Ordenshäusern Klausenburg, Bistritz, Hermannstadt, Mühlbach, Kronstadt, Oderhellen und Schässburg die Grenzen ihres Terminierens.

In dei filio sibi carissimis universis prioribus ordinis fratrum Praedicatorum frater Johannes episcopus, sacrae theologiae professor, prior provincialis per regnum Hungariae salutem in domino. Quia dilecti nostris in Christo patres et fratres ex nimio concurs mendicantium fratrum nostrorum in unum et eundem districtum scandala plurima necnon laedia et murmura oriri solent in populo, ideo huic malo ob honorem sacri ordinis nostris obviare cupientes de uanimi fratrum meorum priorum voce et consensu in Pestis mecum congregatorum in capitulo prouinciali celebrato anno domini 1497 in festo divi antistis Martini mandatum praesens ad vos destinare decrevi, ne videlicet aliquis priorum nostri ordinis fines terminosque mendicationis per me sibi statutos excedere aliquo pacto praesummat. Quod si quis (quod absit) mandato praesenti contraire praesumserit, ex tunc privatus sit omnibus elemosinis, quae in locis sibi interdictis usurpavit, quas elemosinas conventibus assignamus illis, in quorum finibus acquisitae sunt. Insuper prioribus omnibus et singulis meae contratae praefatae districte praecipiens mando, sicut et in actis capituli mandatum est, sub sui officii privatione ne praesens decretum aliquo modo temere transgredi attentent, quod si per aliquos in contrarium attemptatum fuerit nedum ipsos praecipientes verum etiam fratres eisdem obsequentes reservo ad tempus visitationis proximae secundum suos excessus acrius puniendos. Ut autem caritates vestras in mendicando termini singulis conventibus deputati non lateant, ordinatum est, quod conventus Colosvariensis cum Bistriciensi omnino concurrant. Dempto eo, quod Bistricienses ultra Kyszamos mendicando non accedant, in quibus terminis Albenses cum Colosvariensibus concurrant. Item Cibinienses in omnibus terminis concurrant cum Segesvariensibus, eo excepto, quod Cibinienses habebunt Homlos, Klenschelken et quator villas abbatiae, in quibus cum Mylewmboccensibus conveniunt Cibinienses. Sunt autem hi termini Myllembaccensium: a villa Hamlos Schap, porcha Transylvaniae usque ad Hungariam, in Wyncz videlicet et terminus ejus, in Engedino et terminus eius usque ad Thordam inclusive et inter duo flumina Kykullew usque ad Bogosdorff inclusive, item Klenselk cum quatuor Villis Abbatiae sunt termini eius. Item conventus Coronensis habebit pro se totam Bwrciam, qua nullus alius conventuum habeat mendicandi potestatem. Conveniunt etiam cum Udwarhellensibus in duabus sedibus Siculorum videlicet Sepsii et Kyzdii. Item Udwarhellenses habebunt pro se totam Siculiam usque ad Regen inclusive, cum quibus concurrant Coronenses, ut supra. Et Segeswarienses etiam in tribus sedibus videlicet Maros, Kereczthurr et Wdwarhel. Et Bistricienses concurrant cum supradictis Wdwarhellensibus in Regen et in omnibus terminis eius. In cuius rei testimonium et efficaciam duxi praesens mandatum sigillo nostro provincialatus roborandum. Datum loco, die et anno ubi supra.