Urkunde Nr. 581 aus Band I

Seite im UB:

529-530

Heute in:

Budapest, Ungarisches Landesarchiv [Magyar Országos Levéltár]

Heutige Signatur:

DL (Diplomatikai Léveltár) Nr. 30 622.

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

581

1299 König Andreas III. beauftragt das Grosswardeiner Kapitel, mit den königlichen Bevollmächtigten die Grenzen der Besitzungen des Weissenburger Kapitels zu begehen und zu bezeichnen und stellt die Grenzen der Kapitelbesitzungen Orbó und Nagyenyed fest.

Ex quarum quidem literarum domini Andreae tertii olim regis Hungariae, in anno domini M^o CC^o nonagesimo nono confectarum, tenore informabamur hoc modo, quod cum in parte venerabilis capituli ecclesiae Albensis Transsilvanae eidem domino Andreae regi supplicatum exstitisset, quod quia ecclesia beati Michaelis archangeli Transsilvana per insultum Saxonum Transsilvanorum et seditionem eorundem miserabiliter exstitisset concremata, privilegiis et munimentis omnibus mediantibus, quibus possessiones suas eadem possedisset ecclesia et tenuisset, inter ceteras res eiusdem ecclesiae concrematas, spoliata existit omnino et denudata, idem capitulum ad remedium recurrens opportunum, sibi super hoc petisset regia auctoritate provideri, et ut salubrius ipsi ecclesiae consuli posset in hac parte, dominus Andreas rex [S. 530] una cum baronibus et aliis consiliariis suis talem adinvenisset modum et hunc ordinem disposuisset circa hoc observandum, ut sub idoneo testimonio venerabilis capituli Varadiensis universae possessiones eiusdem ecclesiae et singulae per homines suos ad hoc deputandos perlustrarentur de metis ad metas et ceteris nominibus ipsarum possessionum expressis signis circumdarentur consuetis, fidelibus suis Nicolao de Gumbach et Petro de Forro<fnz>1)<fnz> nobilibus partis Transsilvanae dedisset in mandatis, ut ad exsequendum praemissa sub testimonio capituli praenotati sua accederent auctoritate, et quidquid in praemissis per eosdem actum fieret, in literis dicti capituli Waradiensis sibi reportaretur, ut privilegia quae per compositionem praemissam mortificata fuissent, per huiusmodi renovationem quae ipsius quartae suae de mandato suo regio et ex certa scientia sua ipsis literis capituli Waradiensis fieret inserta, reviviscerent. In quibus quidem literis praetacti capituli Waradiensis eidem domino Andreae regi super reambulatione et erectione metarum omnium possessionum praetitulati capituli Transsilvani resriptionalibus, ac per ipsum dominum Andream regem vigore praemissi sui privilegii confirmatis, metae [praedictarum] possessionum Orbo et Enyed vocatarum [ipsius] capituli [inter alias] hoc ordine scriptae exstitissent, metae autem terram [capituli] Orbo vocatam a terra Beld nobilium de eadem separantes hoc ordine distinguerentur. Inciperet ab Oriente in Marysio in loco Fok vocato et exiret [ad] duas metas terreas, inde flecteretur ad aquilonem et transiens quandam venam veniret ad viam ad duas metas terreas, inde procedens iuxta locum Zapucha vocatum ad duas metas terreas. Hinc eodem cursu transiret magnam viam per quam iretur Albam ad Seegh ad arborem thwl meta terrea circumseptam, ubi essent aliae tres metae terreae, hinc per idem Seeg flecteretur contra septentrionem contra villam Orbo ad unam metam terream, terra Beld a meridie remanente, hinc veniret ad aliam metam terream, hinc in fine eiusdem terrae Seegh ad duas metas terreas. Inde descenderet super ipsum Seegh ad vallem et in radice ipsius Seegh flecteretur contra occidentem et veniret ad metam terream iuxta viam positam, per quam viam ascenderet iterum in Seegh et veniret ad tres metas, quarum una esset ecclesiae, alia esset dictorum nobilium de Beld, tertia vero filiorum comitis Andreae de Gyog aliis etiam metarum dictae possessionis cursibus literis in eisdem declaratis.

<fnzt>1) Vorlage: Fono.</fnzt>