Urkunde Nr. 589 aus Band II

Seite im UB:

6-7

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Druckvorlage:

nach Original

Abdruck als:

Volltext

Sprache:

Latein

---

589

Thorenburg 1343 Mai 19 Nikolaus, Woiwode von Siebenbürgen, bezeugt, dass die Besitzungen Marienburg, Bun, Sard, Sarold und Nadesch nach Entscheidung des Thorenburger Landtags Jakob, Sohn Desew's, gehören.

Nos Nicolaus vaivoda Transsiluanus et comes de Zonuk significamus tenore praesentium quibus expedit universis, quod in congregatione nostra generali feria secunda proxima ante festum ascensionis domini¹⁾ universitati nobilium partis Transsiluanae Thordae celebrata Jacobus filius Desew filii Kemen de universorum medio assurgens proposuit, ut possessiones Hethwr, Buun, Sard, Sarold et Nadas vocatae in comitatu de Kukullew existentes suae et suorum praedecessorum essent et fuissent ab antiquo, quas Ladizlaus quondam vaivoda Transsiluanus a suis praedecessoribus indebite occupasset et occupatas in praeiudicium eorum detinuisset, petens nos idem Jacobus instanter et attente, ut universitatem nobilium ipsius partis Transsiluanae necnon iuratorum dictae nostrae congregationis super hoc, utrum dictae possessiones ipsius et suorum praedecessorum fuerint vel esse deberent [necn]e, requisitam haberemus. Unde idem nobiles partis Transsiluanae et iurati praenotati necnon commetanei dictarum possessionum per nos requisiti universaliter consurgentes inter se provida inquisitione et matura deliberatione praehabita praeallegatas possessiones Hethwr, Buun, Sard, Sarold et Nadas a tempore, cuius non exstat memoria modernorum, ipsius Jacobi et suorum praedecessorum fore et fuisse et a suis praedecessoribus per dictum Ladislaum quondam vaivodam minus iuridice et iniuste occupatas exstitisse ad fidem eorum deo debitam communi confessione unanimiter affirmarunt. Datum in die et loco congregationis nostrae praenotatae, anno domini M^o. CCC^o. quadragesimo tertio. [S. 7]


1) Mai 19. ^{^}