Urkunde Nr. 591 aus Band II

Seite im UB:

9

Heute in:

Budapest, Széchényi-Nationalbibliothek [Országos Széchényi könyvtár]

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

591

1343 August 4 Das Grosswardeiner Kapitel beglaubigt für Jakob von Rosenau die Urkunde des Königs Karl von 1331 Nr. »494 betreffend den ererbten Besitz Salomons, Sohn Simons von Kronstadt.

Capitulum ecclesiae Varadiensis universis Christi fidelibus praesentibus et futuris praesentium notitiam habituris salutem in salutis largitore. Universorum notitiae harum serie declaramus, quod vir nobilis magister Jacobus filius Nicolai magni filii Simonis de Rosnow ad nostram personaliter accedens praesentiam exhibuit nobis quasdam literas privilegiales domini Caroli quondam regis Hungariae inclitae recordationis, hunc tenorem continentes. (Folgt die Urkunde des Königs Karl von 1331 Nr. »494.) Petens nos cum instantia, quod quia propter discrimina viarum, quae in periculis literarum saepe contingunt et contingere possunt, easdem literas privilegiales ad probationes causarum et ostensiones suorum iurium ubilibet ut expediret secum tempestive deferre et in locis opportunis et temporibus producere non auderent, tenorem earundem transscribi faceremus. Nos etiam petitioni eiusdem magistri Jacobi rationi consonae, ut ius commune exigebat, annuentes, praedictas literas privilegiales diligenter examinatas et in nulla sui parte vitiatas reperiendo, sicut conspeximus, de verbo ad verbum transscribi et praesentibus inseri fecimus sigillo nostro consignantes. Datum feria secunda proxima post octavas beati Jacobi apostoli, anno domini MCCCXLIII. Domino cardinali Bertrando praeposito, Ladislao lectore, Philippo cantore, Gregorio custode dominis et canonicis ecclesiae nostrae salubriter existentibus.