Urkunde Nr. 599 aus Band II

Seite im UB:

17-18

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Familienarchiv Béldi [Fond Familial Béldi] (Inventar 1152)

Druckvorlage:

nach Original

Abdruck als:

Volltext

Sprache:

Latein

---

599

1344 März 18 Das Weissenburger Kapitel bezeugt, dass Jakob, Sohn Michaels von Schmiegen, und Genossen an Balad, Sohn Thomas' von Kleinkend, und Genossen die Hälfte der Besitzung Estfand im Kokelburger Komitat abgetreten haben.

[C]apitulum¹⁾ ecclesiae Transsiluanae omnibus Christi fidelibus tam praesentibus quam futuris quibus praesentes ostenduntur salutem in omnium salvatore. Universorum notitiae harum serie declaramus, quod Jacobus filius quondam Mychaelis filii Symonis bani nobilis de Sumugun pro se personaliter et pro Petro, Johanne et Symone fratribus suis absentibus cum procuratoriis literis Petri de Purun comitis de Kukullew et Burd ac Nicolai filii Simonis bani iudicum nobilium eiusdem comitatus ab una, item Balad filius quondam Thomae filii eiusdem Symonis bani nobilis de Kendtheyd similiter pro se personaliter et pro Johanne, Stephano et Nicolao fratribus suis absentibus eodem modo cum literis procuratoriis praedictorum comitis et iudicum nobilium de comitatu de Kukullew parte ab altera coram nobis constituti dixerunt et proposuerunt, quod cum ipsi pari voluntate et pro negotio seu expeditione communi dimidietatem possessionis Pype vocatae solum et in solidum praedictos Balad, Johannem, Stephanum et Nicolaum filios Thomae tangentem Nicolao, Demetrio et Jacobo filiis Simonis bani patruelibus suis dedissent et tradidissent et sic quarta pars eiusdem possessionis Pype pro parte eorundem Jacobi, Petri, Johannis et Simonis filiorum Mychaelis fuisset et esset eisdem Nicolao, Demetrio et Jacobo filiis Simonis bani tradita et assignata, nunc ipsi Jacobus, Petrus, Johannes et Simon filii Mychaelis volentes eisdem Balad, Johanni, Stephano et Nicolao filiis Thomae pro ipsa quarta parte possessionis Pype recompensationem impendere dimidietatem [S. 18] possessionis Estfand vocatae in dicto comitatu de Kukullew existentis ad eos in divisione perpetuo devolutam eisdem Balad, Johanni, Stephano et Nicolao filiis Thomae dedissent, donassent et contulissent et coram nobis praedictus Jacobus filius Mychaelis suo et Petri, Johannis et Simonis fratrum suorum ante dictorum nomine dictam dimidietatem possessionis Estfand ante dictae ipsos tangentem cum omnibus utilitatibus suis videlicet silvis, nemoribus, pratis, fenetis, aquis et terris arabilibus ad ipsam dimidietatem possessionis Estfand pertinentibus pro praedicta quarta parte possessionis Pype et in recompensationem eiusdem praefatis Balad, Johanni, Stephano et Nicolao filiis Thomae et eorum heredibus ac successoribus dedit, donavit ac tradidit et assignavit iure perpetuo et irrevocabiliter possidendam, tenendam pariter et habendam totum ius et dominium ipsius dimidietatis possessionis Estfand ante dictae in ipsos Balad, Johannem, Stephanum et Nicolaum filios Thomae filii Simonis bani et heredes ac successores eorundem transferendo. In cuius rei testimonium praesentes literas nostras privilegiales ad instantiam et petitionem partium praedictarum concessimus pendentis sigilli nostri munimine roboratas. Datum feria quinta proxima ante dominicam Judica, anno domini M^mo. CCC^mo XL^mo quarto. Dominico praeposito, cantoratu vacante, Lorando custode et magistro Bulchone archidiacono de Zothmar decano ecclesiae nostrae existentibus.


1) Raum für C leer gelassen.^{^}