Urkunde Nr. 58 aus Band I

Seite im UB:

50

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Heutige Signatur:

Reg. Vat. (Registra Vaticana) Nr. 15, fol. 54 verso - 55 recto.

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

58

Rom im Lateran [1231] Februar 26 Papst Gregor IX. bestätigt dem Erzbischof von Gran das Krönungsrecht und das geistliche Jurisdiktionsrecht gegenüber den Hofbeamten und bestätigt die Errichtung der freien Hermannstädter Propstei.

Gregorius episcopus ............... venerabili fratri . .¹⁾ Strigoniensi archiepiscopo salutem. ................. Tuae devotionis fervore, quam circa Romanam ecclesiam et nos specialiter habes, certis rerum indiciis cognoscentes, tuis desideriis duximus et petitionibus annuendum, et tam in coronatione regis, iuxta quod in registro bonae memoriae Clementis praedecessoris nostri habetur inscriptum, tibi privilegium confirmamus, quam etiam regiae donms officialium praepositos vinculo anathematis alligandi et in causis spiritualibus iudicandi plenam et illibatam tuam fraternitatem habere decernimus potestatem. Ita siquidem ut nullus Ungarici regni praelatorum, nisi tu solus, sicut etiam in regia concessione habetur, beatae memoriae praedecessorum nostrorum Alexandri auctoritate et Celestini ac nostra tuae ecclesiae confirmata, id praesumptione qualibet audeat attentare. Cum autem ecclesia Theutonicorum Ultrasilvanorum in praeposituram sit liberam instituta et eisdem, quibus et aliae praepositurae exemptae, libertatis insignibus redimita, et eam authentico scripto recolendae memoriae Bela rex Hungariae studuerit communire, quam etiam felicis memoriae Gregorius sanctae Mariae in Porticu diaconus cardinalis, tunc in partibus Ungariae apostolicae sedis legatus privilegii sui munimine roboravit et apostolica postmodum auctoritas confirmavit, eandem institutionem ratam habentes, praecipimus nostri registri Serie contineri, perenni memoria duraturum. Nulli ergo ................. nostrae confirmationis et constitutionis infringere ................. Si quis autem ................. Datum Laterani, IIII. Kalendas Martii, pontificatus nostri anno quarto.


1) Robertus.^{^}