Urkunde Nr. 606 aus Band II

Seite im UB:

23-25 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

606

1345 Februar 8 Das Grosswardeiner Kapitel bezeugt, dass Comes Michael für den Fall, dass er, ohne Söhne zu hinterlassen, sterben sollte, seine Besitzungen Spring, Drasso, Demeterpataka, [S. 24] Rohundorf, Weingartskirchen, Birnbaum, Benczenez, Bothkirch, Gergeschdorf und die Hälfte von Ringelkirch auf seine Töchter vererbt habe.

[C]apitulum¹⁾ ecclesiae Waradyensis universis Christi fidelibus tam praesentibus quam futuris praesentium notitiam habituris salutem in salutis largitore. Quia plerumque propter labilitatem memoriae in rebus gestis dissidium²⁾ et calumniae solent exoriri, idcirco acta hominum scripti patrocinio consueverunt solidari. Proinde universorum notitiae harum serie declaramus, quod viro nobili comite Michaele filio Danielis filii Cheel de partibus Transsiluanis coram nobis personaliter constituto, confessum exstitit per eundem viva voce, sana mente spontaneaque voluntate pariter et relatum. Cum heredum masculinorum, quos licet habuerit, tamen divino iudicio asserebat decessisse, ad praesens careat, filiali ductus dilectione universas possessiones suas et portiones possessionarias infra scriptas in eisdem partibus Transsiluanis in comitatu Albensi existentes videlicet Sprengh, Drasow, Demeturpataka, Vinchench alio nomine Rohundorph per eundem Cheel avum suum olim acquisitas necnon alias possessiones scilicet Guga alio nomine Vengherskyrh ac Chatha alio nomine Byruum, Sahteluke alio nomine Benchench, Vereseghaz et Geregurfaya per ipsum Danielem patrem suum pretio comparatas, item medietatem cuiusdam possessionis Renghelkyrh per se ipsum et Nicolaum fratrem suum ab Alaard filio Alard emptam cum iuribus patronatuum ecclesiarum in ipsis sub quibuslibet honoribus fundatarum necnon locis molendinorum ac terris arabilibus, silvis, aquis, piscinis, pratis, nemoribus et quibuslibet aliis utilitatibus earum, quae nunc sunt aut forent vel fieri possunt in futurum, sub certis metis, terminis et signis, quibus ab antiquo possessae exstitissent, dedisset, donasset et iure donationis contulit coram nobis dominabus filiabus suis Clarae videlicet, Katherinae, Elyzabeth, Margarethae, Anych, Agathae et Elenae, quibus regni consuetudine exigente etiam ius quartae filialis in eisdem possessionibus debentur, ac heredibus earum heredumque suorum successoribus perpetuo et irrevocabiliter possidendas pariter et habendas, toto dominio tamen earundem possessionum donec vixerit pro se reservato. Ipso autem decedente eis pleno iure et perfecto ut praemissum est dictis possessionibus remanentibus, petens tamen easdem filias suas et committens ipsis, ut habita huius solenni donatione quamdiu viverent tam pro anima sua quam pro animabus patris sui et praedecessorum suorum salutares commemorationes continue facerent propriae salutis ob respectum, adiecit etiam conditionem iure cautam, quod si adhuc vivente clementia supernae virtutis annuente filium vel filios procreaverit, ex tunc praedictae possessiones filio vel filiis suis cui aut quibus ius na- [S. 25] turale tribuit iure hereditariae successionis succedant possidendae sine quaestione aliquali. In cuius rei testimonium praesentes concessimus literas privilegiales pendentis sigilli nostri munimine roboratas et alphabeto intercisas. Datum feria tertia proxima ante diem cinerum, anno domini M^mo. CCC^mo. XL^mo quinto. Domino cardinali Bethrando praeposito ac discretis viris Ladislao lectore, Gregorio custode, Philippo cantore magistris canonicis ecclesiae nostrae salubriter existentibus.


a) Seitenumbruch im Kopfregest.^{^}

1) Raum für C leer gelassen. ^{^}
2) Vorlage: dissium.^{^}