Urkunde Nr. 607 aus Band II

Seite im UB:

25-26

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

607

Szentimre 1345 März 18 Peter, Vizewoiwode von Siebenbürgen, ersucht das Weissenburger Kapitel, bei der Untersuchung der Klagen Johanns von Malmkrog und Genossen gegen Peter von Kirtsch und Genossen wegen in Neudorf und Rauthal verübter Gewalttätigkeiten mitzuwirken.

Viris discretis et honestis dominis et amicis suis reverendis honorabili capitulo ecclesiae Transsiluanae Petrus vicevaivoda Transsiluanus amicitiam paratam et se totum cum honore. Dicit nobis Johannes filius Gegus de Almakerek sua, Nicolai et Gregorii fratrum suorum uterinorum, item Andreae, Jacobi et Johannis filiorum Jacobi filii¹⁾ Appa in personis protestando, quod Petrus de Kewrus, Georgius frater eiusdem, Petrus de Sybeerk, Petrus, Nicolaus, Johannes Zeuke et Wernelyus homines de Kyzdy, item Barthalyus, Andreas Thech, Petrus de Dalya, Johannes et Petrus de Boda cum fratribus suis, item Nicolaus de Hodwylag, Nicolaus et Johannes filii Nicolai filii¹⁾ Wyth ac Stephanus filius Stephani filii¹⁾ eiusdem Wyth et Petrus filius eiusdem Wyth nobiles de Feyreghaz excogitata nequitia et consilio manibus armatis potentialiter supra possessionem ipsorum Wyfalw vocatam irruendo omnibus aedificiis ac sanctam capellam in honorem beatae Katherinae virginis aedificatam penitus et per omnia similiter cum omnibus eius attinentiis ac ornamentis combussissent et concremassent, in qua quidem capella seu ecclesia tres homines similiter cremassent, omnia bona eiusdem villae, res scilicet mobiles et immobiles abstulissent, per quam ablationem rerum damna sexingentarum marcarum argenti intulissent. In hoc non contenti propriam domum ipsius Johannis filii Gegus cum suo molendino eodem modo combussissent, nobilem vero dominam consortem suam denudassent, cyfos argenteos, balteos ac arma cum aliis suis rebus mobilibus et immobilibus ad valorem quadringentarum marcarum argenti recepissent, in hoc non contenti domum seu curiam nobilis dominae matris ipsius Gegus similiter combussissent et concremassent, et ipsam dominam ac sororem eiusdem et consortem Johannis filii Ipoch fratris dicti Gegus eodem modo [S. 26] denudassent et omnia bona earundem trecentas marcas argenti valentia abstulissent. Item etiam adhuc non acquiescentes ad aliam villam ipsorum Rudal vocatam accessissent res eiusdem villae penitus auferendo et in eadem quinque fundos ac unum molendinum concremassent et combussissent, per quod factum trecentarum marcarum argenti valentia recepissent. Super quo amicitiam vestram petimus per praesentes, quatenus ad videndam et audiendam rei veritatem vestrum mittatis hominem vice vestra pro testimonio fide dignum, quo praesente Nicolaus literatus notarius vel Stephanus filius Ladislai altero absente homo noster accedat ad universos vicinos et commetaneos eorundem et ad faciem praedictarum possessionum videatque praemissa facta et a quibuscumque decuerit sciat et inquirat omnimodam veritatem. Si praedicta iidem supra dicti homines super eosdem filios Gegus et filios Jacobi fecissent necne, et qualitercumque per hominem vestrum et nostrum vobis de praemissis veritas constiterit nobis in vestris literis amicabiliter rescribatis. Datum in sancto Emerico, feria sexta proxima ante dominicam Ramispalmarum, anno domini M^mo. CCC^mo. XL^mo quinto.


1) Vorlage: fili [3x].^{^}