Urkunde Nr. 610 aus Band II

Seite im UB:

28-30 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

610

Wissegrad 1345 Mai 12 Stephan, Woiwode von Siebenbürgen, ersucht das Weissenburger Kapitel, bei der Einführung Stephans, Salamons, Andreas', Michaels und Nikolaus' von Kelling sowie Michaels von [Straßburg /] Enyed in die ihnen an den Gütern Hennings und Nikolaus' von Petersdorf zustehenden Anteile mitzuwirken.

Discretis viris amicis suis reverendis capitulo ecclesiae Transsiluanae Stephanus vaivoda Transsiluanus et comes de Zonuk debitae amicitiae et honoris continuum incrementum. Noveritis quod Stephano et Salomone filiis Nicolai filii Salomonis de Kelnuk suo et Andreae, Mychaelis et Nicolai fratrum suorum nomine et vice ab una et Mychaele de Enyeud propria in persona parte ab altera coram nobis constitutis propositum exstitit per eosdem communiter et relatum ministerio vivae vocis, quod ipsi ob perpetuae pacis pulchritudinem et sincerae dilectionis unionem super quibusdam possessionariis iuribus, ut in nostro privilegio continetnr, taliter concordassent, immo [S. 29] es nostra permissione concordarunt coram nobis, quod possessionaria portio quondam Nicolai filii Hennyngh de Peturfolua in eadem possessione Peturfolua vocata in comitatu Albensi existenti habita sub antiquis et veris suis metis, et recta dimidietas omnium vinearum eiusdem Nicolai de Peturfolua in eadem Peturfolua intra metas eiusdem existentium exceptis fundo curiae et domibus quondam ipsius Nicolai de Peturfolua propriis in eadem portione habitis, in quibus olim praefatus Nicolaus de Peturfolua propriam residentiam habuisset, et exceptis terris arabilibus, pratis seu fenilibus ad eundem unum fundum curiae spectantibus ac exceptis duabus partibus cuiusdam deserti fundi quondam Hennyngh de eadem Peturfolua in eadem Peturfolua habiti, item tertia pars trium molendinorum in eadem Peturfolua currentium, item fundus curiae quondam praefati Nicolai de Peturfolua in civitate Sebus existens cum omnibus suis utilitatibus et pertinentiis universis praedicto Mychaeli de Enyeud et suis heredibus heredumque suorum successoribus cessissent perpetuo et irrevocabiliter possidendae, tenendae et habendae. E converso autem praedictus fundus curiae quondam praelibati Nicolai de Peturfolua in eadem Peturfolua in sua portione existens cum domibus propriis eiusdem Nicolai, in quibus olim propriam habuisset residentiam, terris arabilibus, pratis seu fenilibus ad eundem unum fundum curiae spectantibus, item duae partes omnium vinearum quondam eiusdem Nicolai de Peturfolua intra metas eiusdem Peturfolua existentium, item duae partes praedicti deserti fundi quondam praelibati Hennyngh in eadem Peturfolua habiti, item possessio quondam praefati Hennyngh Nogolahfolu vocata in eodem comitatu Albensi iuxta fluvium Sebus in vicinitate et commetaneitate praedictae possessionis Peturfolua existens sub antiquis et veris suis metis et terminis, et quaedam sessio quondam eiusdem Hennyngh vacua et habitatoribus destituta Zyluas vocata in eodem comitatu Albensi habita similiter sub antiquis suis metis et cum omnibus earum utilitatibus et pertinentiis praetactis Stephano, Salomoni, Andreae, Mychaeli et Nicolao filiis Nicolai filii Salomonis et eorum heredibus heredumque suorum successoribus cessissent perpetuo et irrevocabiliter possidendae, tenendae et habendae. Unde cum ad praemissam possessionariam divisionem homines nostri et capituli existant necessarii, amicitiam vestram petimus per praesentes, quatenus mittatis hominem vestrum pro testimonio fide dignum, quo praesente Petrus vicevaivoda noster homo noster tertio die festi nativitatis beati Johannis baptistae nunc venturi¹⁾ ad faciem dictarum possessionum et possessionariarum portionum vicinis et commetaneis suis universis legitime convocatis et partibus vel earum legitimis procuratoribus praesentibus accedat et easdem, prout inter praedictas partes ut praemittitur ordinatum exstitit, dividat et ab invicem novis metis erectis separet et cuique parti suas portiones ut praemittitur statuat et relinquat sine praeiudicio iuris alieni perpetuo possidere. Et post haec seriem ipsius possessionariae divisionis, distinctionis et separationis cum cursibus metarum nobis in vestris literis rescribatis seriatim ad octavum diem²⁾ possessionariae statutionis praenotatae. Datum in Wysse- [S. 30] grad, duodecimo die octavarum festi beati Georgii martyris, anno domini M^o. CCC^mo. LX^o quinto.

Auf der Rückseite vom Schreiber der Urkunde: Amicis suis reverendis capitulo ecclesiae Transsiluanae pro Stephano, Salomone, Andrea, Mychaele et Nicolao filiis Nicolai filii Salomonis de Kelnuk contra Mychaelem de Enyeud super possessionaria statutione tertio die festi nativitatis beati Johannas baptistae¹⁾ fienda, serie eiusdem octavo die²⁾ ipsius possessionariae statutionis nobis reportanda.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-2 auf S. 29, identische 1-2 auf S. 30 (dortige 3-6 zu nachfolgender Urkunde).^{^}
[S. 29]
1) Juni 26.^{^}
2) Juli 3.^{^}
[S. 30]
1) Juni 26.^{^}
2) Juli 3.^{^}