Urkunde Nr. 5196 B * aus Band VIII

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.)

Druckvorlage:

nach anderem Urkundenbuch mit Quellennachweis

Abdruck als:

Volltext

Sprache:

Latein

---

5196 B *

1491 März 7 Johannes Segen und die weiteren geschworenen Ratsherren der Stadt Klausenburg beurkunden, dass sie mit den für 1491 gewählten Hundertmännern in rechtlicher Weise gegen Ambrosius Sabo vorgegangen sind secundum eius excessus notabiles gegen Rechte und Freiheiten ihrer Stadt, namentlich der Zurückhaltung der Elwestete genannten Strafgeldern und Abgabenverweigerung für Wein, den er aus Feyerd einführen ließ. Nachdem dieser ihren Vorladungen keine Folge leiste, verurteilen sie ihn zu Kopf- und Vermögensverlust.

Nos Johannes Segen, Ambrosius litteratus, Johannes Marckusch, Michael Stahrel, Michael Porckolab, Johannes Eppel, Benedictus Teremi, Michael Hon et Georgius Thamasi, Conradus Kys, Thomas Peterdi, Laurentius Doleator iurati consules civitatis Coloswar damus pro perpetua memoria universis et singulis praesentium notitiam habituris, quod in anno domini millesimo qnadringentesimo nonagesimo primo electi centum homines in persona totius civitatis comiserunt et nichilominus mandaverunt et praeceperunt iudici et nobis iuratis consulibus, ut iuxta formam iuris Ambrosio Sabo secundum eius excessus notabiles contra iura et libertates civitatis nostrae sententiam in ipsum ferre deberemus et teneremur quemadmodum aliis sic delinquentibus mera iustitia est et fuit administrata, quocirca nos iusticiae et communis boni et reipublice atque libertatum nostrarum et civitatis fructum et augmentum considerantes penitus per ipsum Ambrosium Sabo in interitum devenisse nolentes itaque iniustitiae et usurpationis communis boni vim et processum aut vigorem tam turpiter longius habere quare et nos iurati consules in persona et nomine atque commissione centum hominum et totius civitatis causam et excessus dicti Ambrosii Sabo circumspecto et prudenti Nicolao Petri Mathiae iudici civitatis nostrae iudicanda, sententianda et determinanda commisimus. Proinde ergo idem Ambrosius Sabo per familiarem civitatis nostrae personali praesentia est citatus, more et ordine iuris ad standum pro iudicio et respondendum ad propositiones et obiecta ymo publice iterum ter est proclamatus, neque ipse nec eius procurator in sede nostra comparuit, audiente et intelligente iudice cum suo assessore propositionem allegationes obiecta et testificationes, veluti Abraham literatus procurator noster iuratus in persona centum hominum et totius civitatis proposuit quemadmodum et in libro civitatis videlicet refutatorio omnia sua acta et facta clarius conscripta sunt et omnes propositiones contra ipsum Ambrosium Sabo manifeste probata et testificata sunt per fidedignos testes, qui excessus etiam partim hic denotantur, videlicet idem retinuit et usurpavit sibi pecunias furtive wlgo "elwestete“ civitatis nostrae et ecclesiae sancti Michaelis archangeli de Feyerd de Felleck et unum vas vini extraneum de dicta villa Feyerd contra iura et libertates civitatis nostrae praeconcepta voluntate et ausu temerario importare iussit. Ergo iudex cum suo assessore pro omnibus excessibus superius expressis iuxta ordinem iuris approbata et commissionem centum hominum et totius civitatis : Sententiam hoc modo deffinivit, quia alios iuxta suos excessus punivit et ipsemet, ut praemittitur, turpiter excessit et maxime cum iura et libertates civitatis nostrae praeconcepta voluntate et ausu temerario pecunias civitatis nostrae et ecclesiae sancti Michaelis et tandem ambarum villarum civitatis nostrae furtive retinuit. Propterea dictus Ambrosius Sabo capite suo debet decollari et omnia bona sua in usum et augmentum civitatis nostrae exponi debeantur et teneantur et iuratus procurator noster antedictus in persona centum hominum et totius civitatis super hanc sententiam contentam# arram deposuit. In cuius rei memoriam firmitatemque et roborationem perpetuam nos iurati consules in persona centum hominum et totius civitatis nostrae ad cautelam praesentes literas sigillo maiori munitas sub appenso duximus concedendas. Datum feria sexta in profesto beati Gregorii papae, anno domini millesimo quadringentesimo nonagesimo primo