Urkunde Nr. 5296 B * aus Band VIII
- Heute in:
- Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]
- Heutige Signatur:
- Stadt Klausenburg [Primăria Oraşului Cluj] (Inventar 1ff.) , Fasc. D Nr. 59.
- Druckvorlage:
- nach anderem Urkundenbuch mit Quellennachweis
- Abdruck als:
- Volltext
- Sprache:
- Latein
5296 B *
Ofen 1492 Dezember 9 König Wladislaw II. bestätigt auf Ersuchen der geschworenen Bürger der Stadt Klausenburg die Inkorporierung der Besitzung Feyerd im Komitat Doboka. Druck: Jakab, Oklevéltár (
») I, 302-303 Nr. 185.
Wladislaus dei gratia rex Hungariae et Bohemiae et cetera fideli nostro egregio Nicolao de Bathor salutem et gratiam. Gravem quaerelam fidelium nostrorum prudentum et circumspectorum iuratorum civium civitatis nostrae Koluswariensis coram nobis depositum accepimus continentem, qualiter tu novissimis diebus quandam possessionem ipsorum Ffeyerd vocatam in comitatu de Doboka habitam per serenissimum condam dominum Mathiam regem Hungariae et Bohemiae et cetera predecessorem nostrum clarae memoriae praefatae civitati nostrae Koluswariensi incorporatam minus iuste et indebite ac praeter omnem viam iuris occupasses et occupatam teneres etiam de praesenti. In praeiudicium eorundem civium et dampnum manifestum et quia nos nullomodo pati volumus, ut ipsi cives nostri per te sic indebite opprimentur, mandamus idcirco fidelitati tuae harum serie firmissime, quatenus statim acceptis praesentibus possessionem huiusmodi per te modo praemisso occupatam, eisdem absque omni difficultate et subterfugio remittere et remitti facere manusque tuas et tuorum omnium de eadem penitus excipere et excipi facere. Modis omnibus debeas et tenearis, si quod autem iuris ad possessionem huiusmodi te habere praetendis, id non via facti, sed iure et consuetudine huius regni nostri mediante requiras et tibi iustitia non deerit, praesentibus perlectis exhibenti restitutis. Datum Budae, feria secunda proxima post festum conceptionis Mariae virginis, anno domini millesimo quadringentesimo nonagesimo secundo, regnorum nostrorum Hungariae et cetera anno tertio, Bohemiae vero vigesimo secundo.
Unter dem Text von der Kanzlei: Ad relationem magistri Francisci praepositi ecclesiae Budensis.
Rescripta manum Jacobi Henrici Schmoltz notarii sancto papali et imperiali auctoritatibus publicis hac litera rogatus, vocatus et requisitus. < ku>