Urkunde Nr. 612 aus Band II

Seite im UB:

31-32

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

612

Ofen 1345 Juni 2 König Ludwig I. gestattet Comes Michael die Vererbung der Besitzungen Weingartskirchen, Birnbaum, Rothkirch, Gergeschdorf, Drasso, Ringelkirch, Bencsencz, Rohundorf und Demeterpataka auf dessen Töchter.

Nos Lodouicus dei gratia rex Hungariae memoriae commendantes tenore praesentium significamus quibus expedit universis, quod magnificus vir Stephanus vaivoda Transsiluanus comes de Zonuk dilectus noster et fidelis cum comite Michaele filio Danyelis proximo suo ad nostrae serenitatis accedentes praesentiam, idem Stephanus vaivoda suas, fratrum suorum et dicti comitis Michaelis filii Danielis proximi sui fidelitates et servitia proponendo a nostra humiliter petierunt maiestate, ut quia dictus comes Michael filius Danielis volente gubernatore deo caeli heredum virilis sexus solatio foret destitutus, ob hoc filias suas quas habet vel in futurum ipsum habere contingeret possessionum et possessionariarum portionum suarum universarum in partibus Transsiluanis in comitatu Albensi Transsiluano con- [S. 32] stitutarum et existentium, quae iuxta regni nostri ab antiquo approbatam consuetudinariam legem post obitum eiusdem comitis Michaelis filii Danielis tamquam hominis heredum solatio orbati manibus nostris regiis applicari et pervenire deberent, veras heredes praeficeremus, easdem possessiones suas et portiones possessionarias ipsis filiabus suis adscribendo, donandi, remanendi et legandi concedendo facultatem. Nos itaque servitiis et fidelitatibus eiusdem Stephani vaivodae et fratrum suorum ac eiusdem comitis Michaelis filii Danielis proximi eorum recensitis et animo metientes pietatis possessiones et possessionarias portiones suas in dicto comitatu Albensi Transsihiano scilicet Chybar nunc alio nomine Vengarthkerch, item Chatha alio nomine Byrbow, item Wereseghaz, item Gerigurfaia, item Drasou, item Regurkerh, item Sahtouteluk alio nomine Benchench item Wynchench alio nomine Rohundoph et Demeturpataka vocatas ipsum ut dicit contingentes in dicto comitatu Albensi Transsiluano existentes filiabus suis et per eas ipsarum heredibus et successoribus donandi, concedendi et legandi, ut eaedem filiae suae, animae eiusdem comitis Michaelis filii Danielis patris earum¹⁾ ob remedium, orationes et alia bona opera caritativa facere possint atque valeant, de plenitudine regiae pietatis dedimus et donavimus facultatem praesentium literarum nostrarum patentium per tenorem, dictas filias eiusdem comitis Michaelis et ipsarum heredes dictarum possessionum suarum et portionum possessionariarum veras et legitimas heredes instituendo, praeficientes sine praeiudicio tamen iuris alieni. Praesentes autem in formam nostri privilegii redigi²⁾ faciemus, dum nobis fuerint reportatae. Datum Budae, in octavis festi corporis Christi, anno eiusdem M^o CCC^mo XL^mo quinto.


1) Vorlage: eorum.^{^}
2) Fehlt in der Vorlage.^{^}