Urkunde Nr. 621 aus Band II

Seite im UB:

39-40 ^a)

Heute in:

Vatikanstadt, Vatikanisches Archiv [Archivum Secretum Apostolicum Vaticanum, Archivio Segreto Vaticano]

Druckvorlage:

nach (zeitgenössischem) Registereintrag

Abdruck als:

Volltext

Sprache:

Latein

---

621

Avignon [1347] März 29 Papst Clemens VI. beauftragt den Erzbischof von Kalocsa, das Milkower Bistum wieder aufzurichten, und ernennt den Augustinermönch Thomas zum Bischof.

Clemens episcopus et cetera venerabili fratri . .²⁾ archiepiscopo Colocensi salutem et cetera. Licet ex suscepto a nobis apostolatus officio menti nostrae instanter immineat vigilantia studiosa, ut de ecclesiarum honoribus et profectibus sollicite cogitemus, et ut in illis exsultent exhibeamus, quatenus nobis dignatio caelestis indulget, opem et operam efficaces. Est tamen [S. 40] insitum cordi nostro, ut ipsis ecclesiis earumque populis praesertim in orbis terrae Christianae culturae ignaris partibus finitimis constitutis, ut illuceat in eis splendor evangelicae veritatis necnon ecclesiae ipsae in suis bonis et iuribus iam prostratis salutis et prosperitatis, dextera domini faciente virtutem, felicia iuvamenta recipiant, apostolicae cooperationis praesidium impendanius, quae prout fida spes suggerit, possint verisimiliter provenire, si ecclesiae tales committantur regendae ac etiam gubernandae personis religione probatis et virtutum titulis insignitis. Nuper siquidem ad audientiam nostram carissimorum in Christo filiorum nostrorum Ludovici regis ac Elizabeth reginae Ungariae illustrium relatio fide digna perduxit, quod episcopatus Milchouensis in regno Ungariae in finibus videlicet Tartarorum ex institutione ordinatus antiqua a tempore, quo dicti Tartari potenter dictum regnum seu partes Ungaras pro dolor intraverunt, fuit per eos ferales et saevos omnino destructus et ecclesia ipsius episcopatus funditus exstirpata, exstinctis et defunctis successivis deinde temporibus canonicis ecclesiae ante dictae ac in exstirpatione et destructione huiusmodi usque ad haec tempora episcopatus ipse prostratus exstitit et existit possessionibus, bonis et iuribus episcopatus et ecclesiae praedictorum ab potentibus illarum partium occupatis, quodque per dilectum filium Thomam de Nympti lectorem ordinis heremitarum sancti Augustini, quem vita, moribus, scientia, fidelitate et experientia fore ad id aptum relatio perhibet supra dicta, si de eo per clementiam sedis apostolicae ecclesiae provideatur praefatae, prout devota spes suggerit et nobis ex relatione innotuit praelibata, sub favoris praesidio dictorum regis et reginae nobis pro dicto Thoma eorum dilecto capellano in hac parte humiliter supplicantium praedictus episcopatus ad statum pristinum reducetur ac recuperabuntur possessiones, bona et iura superius nominata. Nos igitur, ut tanti boni copia ex persona ipsius Thomae cum gratiae caelestis augmento provenire valeat, plenius et devotionis affectibus cupientes, gerentes quoque de tuae sinceritate fidei fiduciam in domino specialem, huiusmodi supplicationibus inclinati fraternitati tuae per apostolica scripta committimus et mandamus, quatenus si est ita de dicto Thoma auctoritate apostolica ecclesiae provideas memoratae ac ipsum Thomam eidem ecclesiae praeficias in episcopum et pastorem, curam et administrationem ipsius sibi tam in spiritualibus quam in temporalibus, prout illas ab antiquo gesserunt ipsius ecclesiae episcopi successive, plenarie committendo. Et subsequenter eidem Thomae, si de illo ipsi ecclesiae provideris, ascitis et in hoc tibi assistentibus duobus vel tribus antistitibus catholicis gratiam et communionem praefatae sedis habentibus munus consecrationis impendas, faciens ei a suis subditis obedientiam et reverentiam exhiberi, contradictores per censuram ecclesiasticam appellatione postposita compescendo, recepturus ab eo postmodum nostro et ecclesiae Romanae nomine fidelitatis debitae solitum iuramentum iuxta formam, quam sub bulla nostra mittimus interclusam. Formam autem iuramenti, quod idem Thomas, si de illo eidem ecclesiae Milchouensi ut praefertur provideris, praestabit, nobis de verbo ad verbum per patentes literas harum seriem continentes, eiusdem Thomae sigillo signatas studeas per proprium nuncium quantocius destinare. Datum Avinione, IV. Kalendas Aprilis, anno quinto. [S. 41]


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 2 auf S. 39 (1 zu voranstehender Urkunde).^{^}

2) Stephan V. ^{^}