Urkunde Nr. 632 aus Band II

Seite im UB:

53-55 ^a)

Heute in:

Karlsburg (Weissenburg), Batthyaneum [Biblioteca Naţională a României, Filiala Biblioteca documentară Batthyaneum, Alba Iulia]

Druckvorlage:

nach Einschaltung (Insert)

Abdruck als:

Volltext

Sprache:

Latein

---

632

1348 April 14 Das Grosswardeiner Kapitel bezeugt, dass Elyas, Sohn Blasius', und Genossen dem siebenbürgischen Bistum ihren Besitzanteil in Gald abgetreten und dafür als Entschädigung vier Sessionen in Blutroth und siebzig Mark Silber erhalten haben.

Capitulum ecclesiae Waradyensis universis Christi fidelibus praesens scriptum inspecturis salutem in salutis largitore. Ad universorum notitiam tam praesentium quam futurorum harum serie volumus pervenire, quod accedens ad nostram praesentiam Elyas filius Blasii pro se personaliter et pro Nicolao ac Johanne filiis suis cum literis procuratoriis magistri Petri vicevaivodae Transsiluani, item Jacobus filius Nicolai filii Bukun necnon¹⁾ Nicolaus filius Gregorii pro se personaliter et pro Jacobo fratre suo cum literis procuratoriis eiusdem vicevaivodae Transsiluani nobiles de Gald de partibus Transsiluanis ab una, parte ex altera vero Abraam filius Jacobi decimator et procurator venerabilis in Christo patris domini Andreae dei gratia et apostolicae sedis episcopi Transsiluani vice et nomine eiusdem domini sui cum literis procuratoriis²⁾ eiusdem. Iidem nobiles de Gald dixerunt, retulerunt et coram nobis vivae vocis oraculo sunt confessi, quod ipsi specialiter ob remedium animarum suarum pari voluntate unanimique cum consensu nullo penitus contradictore apparente totam portionem eorum possessionariam in praefata possessione Gald vocata in comitatu Albensi existentem ipsosque iure hereditariae successionis titulo contingentem habitam videlicet rectam quintam partem dictae possessionis Gald vocatae ab aliis generationibus et consanguineis eorum signorum limitationibus separatam³⁾ et distinctam pleno iure et dominio cum universis utilitatibus eiusdem et pertinentiis universis videlicet terris arabilibus, silvis, aquis, pratis, fenetis, campis, nemoribus, vineis, locis molendinorum atque⁴⁾ piscinarum, domibus et aedificiis ac locis [S. 54] sessionalibus habitis et constructis in eadem simul cum iure patronatus ecclesiae beatae Elizabeth in facie eiusdem possessionis situatae necnon aliis omnibus et singulis utilitatibus et pertinentiis universis, quae nunc sunt, forent aut fieri possunt arte aliqua vel ingenio in futurum, nullo penitus iure et dominio sibi reservato per modum tamen concambii infra scripti ecclesiae beati^b) Mychaelis archangeli Transsiluanae ac praecise episcopatui Transsiluano et per consequens eidem domino Andreae episcopo Transsiluano et eius successoribus perpetuo et irrevocabiliter dedissent, donassent et contulissent, immo dederunt, donarunt et contulerunt coram nobis possidendam, tenendam pariter et habendam in vita et in morte nil penitus iuris aut¹⁾ dominii proprietarii in eadem sibi reservando, sed totum ius et dominium eiusdem in praefatam ecclesiam Transsiluanam et suum episcopatum Transsiluanum transferentes tamquam veros dominos et legitimos successores. Renunciantes etiam nobiles supra dicti pure et simpliciter omnibus conditionibus et exemptionibus, si quae in praefatam donationem et concambium contravenirent aut contravenire possent quomodolibet in futurum, promittentes etiam nobiles supra dicti praefatam ecclesiam Transsiluanam et suum episcopatum Transsiluanum in pacifica possessione dictae portionis possessionariae donatitiae ab omnibus defensando conservare²⁾ a quibuslibet proximis et ignotis specialiter de quartis filialibus debentibus et cedentibus in eadem portione possessionaria eorundem donatitia sororibus eorundem per omnia expedire propriis laboribus et expensis. E converso autem eodem Abraam procuratore et in persona dicti domini Andreae episcopi Transsiluani domini sui assumente atque³⁾ proponente, ut nobiles dicebant supra dicti pari voce, quod idem dominus Andreas episcopus Transsiluanus ratione praemissae donationis ecclesiae suae factae ipsis in villa ecclesiae suae Bervey vocata⁴⁾ quatuor loca sessionalia cum usibus et utilitatibus ad hoc iuxta consuetudinem possessionis seu iobagionum ecclesiae suae in eadem congruentibus et divisive cedentibus, quantum competeret sicuti alteri iobagioni alicui, videlicet dictis Eliae et Nicolao ac Johanni filiis eiusdem unum, similiter Jocobo filio Nicolai filii Bukun unum, modo quoque simili Nicolao et Jacobo filiis Gregorii communiter duo loca sessionalia ab omni penitus exactione, servitio, terragio et collecta libera et exempta⁵⁾ in filios filiorum heredumque suorum per heredes perpetuo similiter et irrevocabiliter contulisset ita tamen, quod aedificia soli tenebuntur comparare propriis facultatibus eorundem, superaddensque idem dominus episcopus eisdem⁶⁾ nobilibus et ad eorum manus assignans septuaginta marcas in argento ponderis Budensis ad eorum sustentationem hoc etiam expresso, quod si qui eorum sine herede ab hoc saeculo migraverint sua loca sessionalia eidem ecclesiae Transsiluanae eo iure, quo ad eam prius pertinebant, devolvantur. Nec hoc volumus praetermitti, quod idem Abraam filius Jacobi nomine pro- [S. 55] curatorio domini sui se obligando promisit, quod si idem dominus episcopus aut eius successor ipsos nobiles vel eorum quemlibet aut heredes eorundem successu temporum in praefatis locis sessionalibus liberis conservare et sustinere refutarent, indulta seu relaxata eisdem sua pecunia capitali dictarum septuaginta marcarum argenti ponderis Budensis dictam portionem eorum possessionariam ipsis assignare [ ]¹⁾ pleno iure et perfecta, et si praedicti nobiles praedictam donationem aut eorum heredes revocare anhelarent, tunc restituta ipsa pecunia capitali cum poena dupli suam portionem possessionariam [ ]²⁾ possint rehabere. In cuius rei memoriam perpetuamque firmitatem praesentes concessimus literas nostras privilegiales pendentis sigilli nostri munimine roboratas al[ ]³⁾ Datum feria secunda proxima post dominicam Ramispalmarum, anno domini M^o CCC^mo XL^mo octavo. Discretis viris Philippo praeposito, Ladislao lectore, Ladislao cantore, Gregorio [custode canonicis ac magistris ecclesiae nostrae] salubriter existentibus.


a) Die Fußnoten wurden in diesem Band des UB jeweils seitenweise gezählt. Auf die vorliegende Urkunde entfallen: 1-4 auf S. 53, 1-6 auf S. 54, 1-3 auf S. 55 (dortige 4-5 zu nachfolgender Urkunde).^{^}
b) Nachtrag UB II 755 statt: beatae.^{^}
[S. 53]
1) Über der Zeile nachgetragen.^{^}
2) Vorlage: procuratoris.^{^}
3) Vorlage: seperatam.^{^}
4) Vorlage: adque.^{^}
[S. 54]
1) Über der Zeile nachgetragen.^{^}
2) Hierauf durchgestrichen: et.^{^}
3) Vorlage: adque.^{^}
4) Vorlage: vocatae.^{^}
5) Vorlage: empta. ^{^}
6) Vorlage: eidem.^{^}
[S. 55]
1) Schrift geschwunden, 1 Centimeter breit.^{^}
2) Desgleichen, 2.4 Centimeter.^{^}
3) Desgleichen, 2.5 Centimeter.^{^}