Urkunde Nr. 635 aus Band II

Seite im UB:

56-57

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

635

Szentimre 1348 Juli 1 Peter, Vizewoiwode von Siebenbürgen, und die Weissenburger Komitatsoberrichter bezeugen, dass den Adligen von Hoszszutelke und ihren Jobagionen die Nutzniessung von Busder Hattertgebiet untersagt worden ist.

Nos Petrus vicevaivoda Transsilvanus ac Mychael de Forro et Ladyzlaus filius Blasii de Balasfolua iudices nobilium de comitatu Albensi damus pro memoria, quod cum nos ad requisitionem et instantiam discreti viri magistri Nicolai archidiaconi de Clus, canonici et decani ecclesiae Transsilvanae vice et nomine honorabilis capituli eiusdem ecclesiae Transsilvanae petentis hominem nostrum videlicet Stephanum nobilem de Bothludas vice nostra ad faciendum prohibitionem infra scriptam dedissemus et transmisissemus, tandem idem Stephanus de Bothludas homo noster ad nos [S. 57] reversus nobis retulit et dixit viva voce, quod ipse crastino die festi corporis Christi proxime nunc praeteriti¹⁾ personaliter accessisset ad faciem terrae possessionis seu villae praedicti capituli Buzd vocatae et ibi infra scriptos viros nobiles de Huzyuteluk legitime convocando, tam ipse Stephanus homo noster verbo nostro quam praedictus magister Nicolaus decanus nomine praedicti capituli ipsos nobiles de Huzyuteluk videlicet Walentinum ac Stephanum, Paulum et Alardum filios suos necnon Johannem et populos seu iobagiones eorum legitime prohibuisset ab usu et fruitione terrarum arabilium et quarumlibet utilitatum territorii praedictae villae ipsius capituli ecclesiae Transsilvanae Buzd vocatae sic, quemadmodum ipsae terrae arabiles ac territorium dictae villae Buzd vocatae per signa et metas tempore domini Karuli regis per hominem eiusdem sub testimonio honorabilis capituli ecclesiae Waradyensis legitime et nullo contradictore apparente reambulatas et erectas separantur et distinguuntur, prout huiusmodi prohibitionem pro ipso capitulo ecclesiae Transsilvanae contra praedictos nobiles de Huzyuteluk et eorum iobagiones modo praemisso factam esse idem Stephanus de Bothludas homo noster dixit et narravit coram nobis. Datum in sancto Emerico, feria tertia proxima post octavas praedicti festi corporis Christi, anno eiusdem M^mo CCC^mo. XL^mo octavo.

Auf der Rückseite: Pro honorabili capitulo ecclesiae Transsilvanae super usu et fruitione utilitatum territorii villae suae Buzd vocatae contra nobiles de Huzyuteluk et eorum iobagiones prohibitionalis.


1) Juni 20.^{^}