Urkunde Nr. 645 aus Band II

Seite im UB:

64

Heute in:

Klausenburg, Staatsarchiv [Direcţia Judeţeană Cluj a Arhivele Naţionale ale Romȃniei]

Heutige Signatur:

Stadt Klausenburg [Primăria Oraşului Cluj] (Inventar 1ff.), J 3.

Druckvorlage:

nach Original

Abdruck als:

Volltext

Sprache:

Latein

---

645

Mühlbach 1349 Oktober 5 König Ludwig I. bestätigt für die Klausenburger die Urkunde des Königs Karl von 1331 Nr. »487, betreffend das Verhältnis zum Palatin und Woiwoden, die Ausübung der Gerichtsbarkeit und die Benützung des Waldes Feketeerdő.

Von der Kanzlei: Nicolai filii Lachk.

Nos Lodouicus dei gratia rex Hungariae memoriae commendantes tenore praesentium significamus quibus expedit universis, quod comes Walterus et Bartholomeus iudices de Kuluswar suis item universorum fidelium civium et hospitum nostrorum de eadem vice et nominibus ad nostrae maiestatis praesentiam accedentes exhibuerunt nobis literas patentes quondam gloriosi principis domini Karoli incliti regis Hungariae bonae memoriae patris nostri carissimi sub tertio et ultimo sigillo suo super libertatibus eorum confectas tenoris infra scripti, petentes nostram excellentiam prece subiectiva, ut easdem acceptare et pro eisdem confirmare dignaremur. Quarum tenor talis est. (Folgt die Urkunde des Königs Karl von 1331 Nr. »487.) Nos itaque iustis petitionibus eorundem fidelium civium et hospitum nostrorum de Kuluswar inclinati praedictas literas paternas de verbo ad verbum praesentibus insertas acceptamus et eatenus, quatenus eaedem super libertatibus eorum praemissis in tenoribus earundem explicatis rite et legitime existunt emanatae, cum eisdem libertatibus per praefatum patrem nostrum ipsis concessis eisdem in perpetuum confirmamus patrocinio praesentium mediante. Praesentes autem in formam nostri privilegii redigi faciemus, dum nobis fuerint reportatae. Datum in Sebus in terra Transsiluana, feria secunda proxima ante octavas beati Mychaelis archangeli, anno domini M^o. CCC^o. XL^mo. nono.

Unter dem Siegel: Relatio Nicolai filii Lachk Petro Mate et Paulo notariis nostris facta et etiam praesente Dominico castellano de Kukulleu.