Urkunde Nr. 646 aus Band II

Seite im UB:

64-65

Druckvorlage:

nach Original

Abdruck als:

Volltext

Sprache:

Latein

---

646

Szentimre 1349 Oktober 6 Peter, Vizewoiwode von Siebenbürgen, ersucht das Weissenburger Kapitel bei der Teilung der Besitzungen Peselnek und Szarazpatak zwischen Stephan, Sohn Apor's, und Nikolaus, Sohn Johanns, einerseits, sowie Gregor, Nikolaus und Jakob, den Söhnen Sandur's, und Genossen andererseits mitzuwirken.

[S. 65] Discretis viris et honestis honorabili capitulo ecclesiae Transsiluanae amicis suis plurimum honorandis Petrus vicevaivoda Transsiluanus consuetae amicitiae et honoris incrementum. Noverit vestrae discretionis amicitia,¹⁾ quod cum Stephanus filius Apor et Nicolaus filius Johannis filii Apor Gregorium, Nicolaum et Jacobum filios Sandur, Petrum filium Johannis, Ladislaum filium Stephani filii Palus, Jacobum et Petrum filios Stephani dicti Feyer in facto divisionis possessionum Pesulnuk et Zarrazpatak vocatarum ad nostram praesentiam in causam legitime attraxissent, tandem iidem filii Sandur et eorum proximi iam notati cum eisdem Stephano filio Apor et Nicolao filio Johannis ipsam divisionem possessionariam se velle facere coram nobis affirmarunt. Super quo discretionis amicitiam praesentibus requirimus diligenter, quatenus vestrum mittatis hominem pro testimonio fide dignum, coram quo Stephanus²⁾ filius Ladizlai homo noster ipsam divisionem in praedictis possessionibus Pusulnuk et Zarrazpatak vocatis iuxta regni consuetudinem celebrando facere teneatur, portionem³⁾ eorundem Stephani et Nicolai ipsis possidere perpetualiter relinquendo. Si qui autem de generatione eorundem Stephani filii Apor et Nicolai filii Johannis ipsam divisionem acceptare non curaverint, contra eosdem ad nostram citet praesentiam ad terminum competentem, et posthaec seriem ipsius possessionariae divisionis, vel si expedit, diem et locum citationis, nomina citatorum et terminum assignatum nobis amicabiliter rescribatis. Datum in sancto Emerico, in octavis festi beati Michaelis archangeli, anno domini M^o CCC^mo XL^mo nono.

Auf der Rückseite: Discretis viris et honestis capitulo ecclesiae Transsiluanae amicis suis reverendis pro Stephano filio Apor et Nicolao filio Johannis divisionalis.


1) Hierauf: noverit vestrae discretionis amicitia [unterpunktet].^{^}
2) Vorlage: Stc [darüber Kürzungstrich], c statt Schluss-s.^{^}
3) Von portionem bis einschliesslich relinquendo über der Zeile nachgetragen.^{^}