Urkunde Nr. 648 aus Band II

Seite im UB:

65-66 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

648

Weissenburg 1349 Oktober 20 König Ludwig I. beauftragt Stephan, Vizecomes von Schelk und Mediasch, den Streit der Gemeinden Grosskopisch und Waldhütten einerseits und Johann Gegus' andrerseits wegen des Landstrichs Lapus zu untersuchen. [S. 66]

Lodouicus dei gratia rex Hungariae fideli suo magistro Stephano de Wruszfa vicecomiti de Seelk et de Mygges salutem et gratiam. Conqueritur nobis Johannes filitis Gegus de Almakerek, quod populi et hospites nostri de Kapus et de Walthyd quandam particulam terrae suae Lapus vocatae cum omnibus suis utilitatibus intra metas possessionum suarum Wyfalu et Rudal vocatarum existentem et ad ipsas pertinentem occupassent usui eorum applicantes minus iuste, super cuius remissione dictis populis pro eodem Johanne filio Gegus etiam prius nunciasse meminimus literis nostris mediantibus anuleo sigillo nostro consignatis. Unde cum nos praedictum Johannem filium Gegus pro suis servitiis et fidelitatibus nobis exhibitis suis iuribus privari non velimus, fidelitati tuae firmiter praecipiendo damus in mandatis, quatenus cum homine capituli ecclesiae Transsiluanae, quem per ipsum praesentium serie una tecum ad id transmitti iubemus, ad faciem ipsius terrae Lapus vocatae intra metas ipsarum possessionum dicti Johannis filii Gegus existentem accedendo, convocatis populis dictarum villarum de Kapus et de Walthyd et aliis vicinis earundem et ipsis praesentibus, si dictam terram Lapus vocatam ad possessiones iam dicti Joliannis pertinere et intra metas earundem esse, per populosque de Kapus et de Walthyd minus iuste occupatas fore diligenti investigatione inveneris, tunc eandem cum omnibus suis utilitatibus recapias nomine iuris Johannis praenotati factaque recaptivatione eidem Johanni statuas nostra auctoritate eo iure quo ad ipsum dignoscitur pertinere perpetuo possidendam, si non fuerit contradictum, contradictores autem si qui fuerint contra eundem ad octavum diem a contradictione ipsorum evoces ad praesentiam nostrae maiestatis rationem contradictionis ipsorum reddituros. Et post haec seriem ipsius statutionis vel nomina contradictorum et terminum assignatum idem capitulum ecclesiae Transsiluanae fideles nostri in literis eorum nobis fideliter rescribere teneantur. Datum in terra Transsiluana in Alba Julae, feria tertia proxima post festum beati Lucae evangelistae, anno domini millesimo CCC^mo. XL^mo nono.

Vom Schreiber der Urkunde: Andreae filii Lochk.

Unter dem Siegel: Relatio Andreae filii Lochk.


a) Seitenumbruch nach Kopfregest.^{^}