Urkunde Nr. 655 aus Band II

Seite im UB:

72-73 ^a)

Heute in:

Budapest, Ungarisches Landesarchiv [Magyar Országos Levéltár]

Druckvorlage:

nach Original

Abdruck als:

Volltext

Sprache:

Latein

---

655

Bistritz 1349 Dezember 13 Andreas, Comes der Szekler, von Kronstadt, Szatmar und Marmaros, erkennt den von den Gemeinden Grosskopisch und Waldhütten in Besitz genommenen Landstrich Lapus Johann Gegus zu. [S. 73]

Von der Kanzlei: Relatio Ladislai filii Michaelis.

Nos magister Andreas comes Siculoram, Brassouiensis, Zathmariensis et Maramorosyensis memoriae commendantes tenore praesentium significamus quibus expedit universis, quod cum serenissimus princeps dominus Lodouicus dei gratia rex Hungariae dominus noster in Alba Gyulae nobis oretenus praecepisset et praeceptive commisisset, ut terram Johannis filii Gegus, Lapus vocatam de terra possessionis Uyfalu nominatae per populos seu Saxones de Kopus et de Valdhyd occupatam scita et cognita veritate de eadem ipsi Johanni filio Gegus reddere et restitui¹⁾ facere deberemus, nos praeceptis dicti domini nostri regis obedire cupientes ut tenemur iustitiaeque adhaerentes diligenti inquisitione palam et occulte facta a nobilibus partis Transsiluanae et a senioribus ac viris providis sedis Chybiniensis et aliarum sedium veraciter scivimus et cognovimus ipsam terram Lapus ipsius Johannis filii Gegus esse et fuisse hereditariam et ad praefatam possessionem dicti Johannis Uyfalu vocatam per veras metas pertinere. Igitur nos iuxta praeceptum regium eandem terram Lapus de terra possessionis Uyfalu praedictae per eosdem Saxones indebite et iniuste occupatam eidem Johanni reddidimus et restituimus perpetuo et irrevocabiliter possidendam, tenendam pariter et habendam, in dominium praedictae terrae ipsum Johannem per Stephanum de Vrusfaya nostrum hominem officialem de Megyes statui faciendo, ipsis Saxonibus de Kopus et de Valdhyd silentium perpetuum imponendo de terra praenotata. In cuius rei veritatem eidem Johanni nostras literas concessimus sigillo nostro consignatas iustitia suadente. Datum in Bistricia, in octavis festi beati Nicolai confessoris, anno domini M^mo CCC^mo XL^mo nono.


a) Seitenumbruch nach Kopfregest.^{^}

1) Vorlage: restitui.^{^}